SUPERBALITA CAGAYAN DE ORO

Hinabang ‘first come, first serve’

KON kinsa nga barangay ang una makaduso sa ilang profiling mao usab ang unang mahatagan sa food assistance gikan sa siyudad sa Cagayan de Oro.

Kini ang gibutyag ni City Administrator Teodoro Sabuga-a ug niingon nga gikan sa Abril 1 ug sa Abril 2 nagpadayon pa ang pagpang-apod apod sa hinabang.

“I think mga almost 20 na, gasubay lang ta sa unsa’y ready nga submission kay i-agi man gihapon sa profile nga ma submit nila,” dugang pa.

Gipaningkamotan usab nga mahuman na sa pagtunol ang unang hugna sa dili pa ang adlaw nga Dominggo, Abril 5.

Kagahapon gimando ni Mayor Oscar Moreno nga paspasan ang pagpanghatag sa assistance labi na nga daghan na ang gipanggutom.

“Now mao na nga we have to balance everything so ang akong instruction sa atong social welfare nga i distribute nana dont go into some ellaborate plans nga probably could be better, probably would be the best but in the circumstances we would incuring delay and that is now being handle,” matud ni Moreno.

Sa kasamtangan mokabat ngadto sa 5,023 food packs ang gitunol sa City Government sa siyam ka mga barangay sa siyudad sa Cagayan de Oro niadtong Miyerkules, Abril 1.

Kini nga mga Barangay mao ang Pigsag-an (132 food packs), Tuburan (126 food packs), Mambuaya (333 food packs), FS Catanico (244 food packs), Iponan (816 food packs), Tumpagon (237 food packs), Pagatpat (658 food packs), Macabalan (1,481 food packs), ug Nazareth (996 food packs).


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph