Suarez padayong nagbansay

Suarez padayong nagbansay

ANG kasamtangang MinPro ug LuzonPro lightweight division champion Charly Suarez sa Barangay Sawata, Davao del Norte padayon nga nagbansay, alang sa bugno niya alang World Boxing Council (WBC) Asia Super Featherweight Title kontra defending champion Defry Palulu sa Indonesia.

Apan kini kung mahinayon sa Mayo 9 sa Manila tungod kasamtangan pang nag-ilaid ang tanan sa public health emergency sa nasud tungod sa Covid-19 pandemic.

Si Asian Games 2014 silver medalist Suarez, nga three-time Southeast Asian (SEA) Games gold medalist, nagsulti nga nangandam na siya sa umaabot nga bugno taliwala sa outbreak sa coronavirus disease.

"With how things are limited at this time it has not been a reason not to keep myself in good shape. I am working closely with my team and coach so that we could still follow our fight plan, staying active in doing cardio and weight training to further enhance my physical and mental condition at this time," suma sa 31 anyos nga knockout artist sa pakighinabi sa SunStar Davao via Facebook.

Ni Suarez nga nagmintinar siya sa balanseng diyeta apan aminadong galisud tungod sab sa limitadong resources tungod sa community quarantine.

"I still do what I can to get proper nutrition even if it is a bit more complicated now," niya pa, dungan sa pagsulti nga anaa si coach Delfin Boholst aron giyahan ang pagbansay niya sa Manila.

Ang bugno tali Indonesian fighter, nga may rekord nga 22 ka daug, duha ka pildi, maoy ikalima niya sa iyang professional fight.

Kasamtangan siyang naghupot sa way pildi nga rekord,upat ka daug nga may upat ka knockouts, zero draw ug way pildi.

Napildi niya sila Dave Barlas, diin nadepensahan niya ang bakanteng Philippines Luzon Professional Boxing Association (LuzProBa) title, Pebrero 7, 2020.

Gipukan sab ni Suarez sila Virgil Puton niadtong Agosto 24, 2019, Justin Cabarles niadtong Marso 5, 2019 ug Ernesto Cagampang niadtong Enero 1, 2016.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph