Donasyon nga PPEs nadawat na sa Magsaysay

DAVAO. Nadawat na sa lokal nga gobyerno sa Magsaysay, Davao del Sur ang mga personal protective equipment gikan sa Davao City. (Hulagway ni Orlando B. Dinoy)
DAVAO. Nadawat na sa lokal nga gobyerno sa Magsaysay, Davao del Sur ang mga personal protective equipment gikan sa Davao City. (Hulagway ni Orlando B. Dinoy)

NADAWAT na sa lokal nga gobyerno sa lungsod sa Magsaysay, Davao del Sur ang mga donasyon nga gihatag gikan sa dakbayan sa Davao aron magamit sa mga frontliners.

Gipasalamatan ni Mayor Arthur Davin si Davao City Mayor Sara Duterte human miabot na sa ilang lugar ang mga personal protective equipment (PPEs) nga gilangkuban sa 162 surgical masks, 40 goggles, 23 disposable body wear ug usa ka box nga alcohol.

Sa datus sa Municipal Health Office (MHO) sukad Abril 2, mokabat na sa 624 ang persons under monitoring; 507 ang padayong anaa sa home quarantine, samtang 117 ang cleared na.

Mokabat sab sa 18 ang patients under investigation, 17 ang padayong gi-quarantine ug isa ang cleared na.

Gumikan niini, si Dr. Arthur Navidad, MHO officer, nag-awhag sa publiko nga tumanon ang "stay at home order" human gipailawom sa community quarantine ang ilang lugar.

Samtang padayon nga nanghatag og mga suplay sa pagkaon ang lokal nga gobyerno ngadto sa 22 ka mga barangay sa lungsod ilabi na nga daghan pang pamilya ang nagpabilin sa evacuation center human naguba ang ilang mga balay dihang gitay-og sa kusog nga mga linog niadtong 2019. (Orlando B. Dinoy)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph