SUPERBALITA DAVAO

P5,000 ayuda sa Dole mahatag na

Hulagway gikan sa Google

MAHATAGAN na karon og tubag ang dugang panginahanglanon sa matag pamilya sa Davao Region gumikan mahatag na sa Department of Labor and Employment (Dole)-Davao ang ayuda nga tag P5,000 subay sa Covid-19 Adjustment Measures Program (Camp).

Base sa impormasyon gikan sa Dole-Davao sugod Abril 2, Huwebes, mapagula na ang P9,945,000 nga cash assistance alang sa 130 ka mga establisemento nga adunay 1,989 ka mga trabahante ning rehiyon.

Dugang sa Dole-Davao nga aduna pay laing batch nga gi-aprobahan nga mga aplikasyon alang sa preparasyon sa payroll nga mikantidad og P38,850,000 alang sa 498 ka mga establisemento nga adunay 7,770 nga mga trabahante.

Sa pagkakaron, aduna pa'y 7,900 ka mga aplikasyon nga ipailawom sa evaluation diin gipaningkamutan nila nga mapadali ang pagsubay sa linibo nga aplikasyon nga ilang nadawat.

Hinuon gipasalig sa Dole-Davao nga ilang dalion ang ilang pagberipika aron makatabang sa mga nanginahanglan ilabi na sa mga apektado sa Covid-19.

Gibutyag ni Dole-Davao Director Raymundo Agravante nga ang P5,000 nga tabang nga salapi sa matag usa sa una nga batch makuha pinaagi sa pagpadala sa salapi pinaagi sa mga money remittance center nga magsugod sa ikaduhang semana sa Abril 2020.

Dugang pahayag ni Agravante nga ang programa nga Camp sa Dole usa ka safety net program alang sa mga trabahante sa pormal sektor nga apektado sa FWA kun flexible work arrangements, o kaha temporaryong nagsirado.

Bisan unsa ang kahimtang sa pagpanarbaho, ang usa ka empleyado makadawat og P5,000 nga tabang isip ayuda. (JPC/PIA-Davao)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph