SUPERBALITA CEBU

Tambagi ko Noy Kulas: Nadaut sa drugs

DEAR Noy Kulas

Tagoa lang ko sa ngan nga Ellen, 29 years old ug nagtrabaho sa usa ka factory dinhi sa Cebu. Minyo na ko ug duna nay us aka anak. Ang akong bana nataktak sa trabaho kay na positive sa drug test.

Karon kay wa na man siyay income, bisan unsa na lang ang iyang gitrabaho. Naa pay nagkonduktor siya, barker ug bisan unsa. Naka traysikad sab siya.Pero ang tanan lagi adto ra mapunta sa iyang bisyo sa drugs. Ako na siyang gibadlong nga mounding sa iyang bisyo pero wa mopatuo nako. Mahimo ra hinuon namo nga away ang iyang bisyo kay mosupak supak lagi.

Migrabe na hinuon siya, nag-pusher na man aron dunay ika-support sa iyang bisyo. Usahay na lang siya mouli sa balay. Karon, gusto ko molayas sa amoa kay mabuhi ra nako ang among anak kon akong ibilin sa akong parents. Maayo kaha,Noy Kulas? Please tambagi ko.

Ellen

Ellen,

Imo na bang nahurot ang tanang alternatives aron moundang na siya sa iyang bisyo? Nagpatabang ka na ba sa iyang pamilya ug sa imoha aron di lang ikaw ang moatubang sa problema? Diha na kon nahurot na ang tanang mga paagi aron siya makaundang, diha ka na mohukom kon biyaan mo ba siya o di.

Bitaw, aron mapaanalipdan mo ang imong anak sa di maayong epekto sa environment ninyo, ayaw pagpanuko pagbiya kon ang iya mismong pamilya way nahimo o nanginlabot sa inyong problema. Ang importante nga imong napanalipdan ang inyong anak ug ikaw mismo sa di maayong epekto sa drugas sa pangutok sa usa ka tawo. Apan kon naa ang iyang pamilya nag-unong nimo ug naninguha, ayaw una biyai kay basin pa, mausab nang imong bana pinaagi nila.

Mas maayo usab nga imong apilan og pag-ampo ang imong paninguha kay if it’s from the heart, way imposible sa Ginuo.

Noy Kulas

(rojval69@yahoo.com ug kulassuper@sunstar.com.ph)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph