SUPERBALITA CEBU

Binghay: Palagsik ug pa-init batok sa Corona

Kukabildo

NAGKABUANG ang tibuok kalibutan kay nabalaka ining padayong pagsaka sa mga nataptan ining mangtas nga Corona Virus labi na kay hangtod karon wa pa gihapoy tambal nga ikadapat pagbatok ini.

Gisamutan kini sa makaguol ug makahadlok nga mga balita nga madungog, makita ug mabasa sa radyo, telebisyon, mga pamantalaan ug online nga balita. Ang ka-apan kay ang uban misakay sa sitwasyon og naghimo-himo og ilang balita nga way klarong tinubdan o ‘fake news’ nga misamot sa kalawgaw ug kahadlok ug mipasamot sa panic.

Unsa may simtomas pag-ila sa posibling Corona? Kasagaran pagpanakit og luya sa lawas, katol-katol sa tutunlan (soar throat), labad sa ulo, hilanat ug ubo. Kini nga kagaw kusog mokatap kung ang tutunlan nag-uga busa diay akong mga nakolekta nga mga tips nga makatabang pagpahimsog ug makapalig-on sa lawas aron dili dali ma igo ining mangtas nga kagaw:

Maayong mang-limogmog og init-init nga tubig nga dunay kinutaw nga asin ka duha kada adlaw kay kining asin dunay anti-bacterial nga di maka uga ug mopatay sa kagaw nga naa sa baba ug tutunlan.

Magkutaw ining combo drink gamit ang luy-a, lemon, turmeric ug honey ug tubig. Isagol kini tanan unya pabukalon (10-15 ka minutos). Imnon kini samtang init-init pa.

Daghanon pagkaon nag prutas nga dunay Vit C (Ascorbic Acid) pina-agi sa pagkaon o inum ining mga lab-as nga prutas (lemonsito, lemon, dalandan o orange).

Sunod pagbuwad sa natural nga init sa adlaw (gikan 6 ngadto na sa 8 sa buntag) mga 15 minutos kada adlaw kay makahatag kinin ug Vitamin D. Palagsikon ang lawas sa pagkaon og daghang carrots, apple cider, mansanas, lemon kay kini sila daghan og anti-oxidant apil ang pagkaon og mga utanon labi na mga kolor berde nga dahonan (kamunggay, pechay, tankong, talbos sa kamote og uban pa) kay taas kini og fiber.

Katapusan, ipadyon lang una og self-quarantine ang kaugalingon, sul-ob og facial mask, og kanunay nga pagsabon sa kamot, gamit og alcohol o hand sanitizer.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph