Editoryal: Kuwang sa pagtuon

Editorial Cartoon by John Gilbert Manantan
Editorial Cartoon by John Gilbert Manantan

SO, NAUSAB na sab ang timplada karon kalabot niining pagpang-distribute sa dakbayan sa Sugbo og enhanced community quarantine (ECQ) pass ngadto sa mga barangay.

Kini human giuwan og reklamo ang City Hall sa dihang daghang mga tagbalay ang wa makadawat og mga ECQ pass.

Dunay mipasangil nga gipamulitika ang pagpanghatag niini ug duna usay mialegar nga may pabor-pabor sa distribution.

Pero ang lig-ong hinungdan mao gyud ang kakuwang sa giimprinta sa city government sa ECQ pass kay tiaw mo bay 250,000 ra ang ilang napahimo nga ubos ra kaayo sa gidaghanon sa households sa siyudad.

Hinuon si Labella mipasalig nga modugang na usab sila sa pagpaimprinta og mga passes.

Tungod niini, nakahukom si Labella nga himoong balido na lang kadtong mga ECQ pass nga giisyu sa mga barangay, apan kini magamit lang diha ra usab sa ilang jurisdiction.

Pero sukwahi ning maong pamahayag, ang mayor midugang pag-ingon, nga mintras tanto nga wala pa sila makadugang og imprinta, mahimo una nilang gamiton ang ECQ pass nga giisyu sa barangay aron makatabok sa laing barangay.

Atong respetuhan kining maong uwahing kausaban, apan unsaon man unya pagkontrolar sa mga checkpoints kon kini tinuod o legitimate ba nga giisyu sa barangay nga wa man sila kahibawo kon unsay timailhan.

Sa niaging semana, dunay nadakpan nga nagpakopya og daghang mga ECQ card. Wa man tuod matino kon unsa ang katuyoan, apan gidudahan nga posibling ipamaligya kini. Dili ba kaha mahitabo na sab ni?

Sa ato pa, mawala na ang purpose niini nga mao unta ang pagkontrolar sa mga lihok sa tawo aron mapatuman ang social distancing.

Mao ni timailhan nga wa gyud diay ni matun-i og maayo sa wa pa i-implementar.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph