SUGDAN na sa Dakbayan sa Mandaue ang second wave sa pagpanghatag og relief goods ngadto sa mga tanang mga lumolupyo sa dakbayan.
Sigon ni Mandaue City Mayor Jonas Cortes nga ang second wave di na sama sa unang gipanghatag nga gisiguro lang ang mga indigent.
Karon tanan na hatagan, bisan ang mga arangan og kahimtang ug mga nagpuyo sa condo.
Gikonsiderar sab ni Cortes kadtong mga nagpuyo sa mga condominium, apan nag-abang ug wala na say mga trabaho ug ang mga helper o driver sa mga adunahan.
Sigon ni Cortes nga mamahimo gihapon mo-waive sa ilang bahin labi na kadtong mga arang aranag pagkahimutang.
Hatagan ang matag balay og lima ka kilong bugas.
Giklaro ni Cortes nga ang mahatagan niining second wave sa relief kadtong 12 ka mga barangay nga humana sa pagpanghatag sa first wave. (KFD)