SUPERBALITA DAVAO

Pagpanikas sa chess gilimod

ANG taga-Cotabato City nga magduduwa sa chess, Datuali Abas Sinsuat milimod sa akusasyon nga siya ang gagamit sa username nga AA7420 nga gi-ban og duha ka tuig sa tanang National Chess Federation of the Philippines (NCFP)-sanctioned tournaments tungod sa pagpanikas sa online chess tournament kay migamit og computer assistance.

Ang 50-anyos nga magduduwa, sa Facebook interview tali SunStar Davao, nagsulti, “Hindi po ako yon nag-send ng entry sa NCFP na ang account AA7420. Sa Lichess na account yan, hindi sa chess.com. Doon sila ng base ng cheating eh hindi sakin yon,” isplikar niya.

Niya, subo lamang tungod kay lockdown di siya makahimo og mga pamaagi nga malimpyuhan ang ngalan nga gibatikos og maayo sa social media ug nagkadaiyang group chats sa chess community.

“Kelangan ko abogado dahil walang katotohanan binibintang nila sakin. Baka iisipin nila na accepted ko yong mga desisyon nila, na walang katotohanan.”

Kahinumduman nga ang magduduwang si AA7420 nanguna sa second leg sa Beating the Covid-19 Attack Grand Prix Series online chess tournament nga giisponsoran sa abogadong si Jong Guevarra, Jr. via lichess.org.

Si NCFP executive director lawyer Cliburn Orbe, sa post sa NCFP’s official Facebook page, nauna ng nagpahibalo nga ang lichess.org mi-ban sa usa ka magduduwa, nga may ngalang AA7420, tungod sa paggamit og computer assistance.

Sa kabahin ni Orbe, “Before we started our online chess tournaments, we made it clear that if you get banned by Lichess or other servers for cheating or using computer assistance, you will also be banned from all NCFP tournaments online or over-the-board for two years.”

Mao nga si Sinsuat, nga suma pa maoy AA7420, gipahamtangan sa two-year ban sa NCFP.

Si Guevarra, nag-ban sab kang AA7420.

“I never joined sa tournament sa Lichess... ‘yung first na tournament pero failed. Hindi po ako naglaro doon. Someone used my name and made entry so tiwala sila na ako nga yung naglaro at tiwala sila na akin ang account na yun,” suma niya, dungan sa pagsulti nga na-hack ang iyang email ug Facebook account.

Gipadad-an sab niya kining magsusuwat og screenshot sa Facebook notification nga nagpakitang naka-log-in ang iyang account sa bag-ong himan.

Ni Sinsuat, bag-uhay lamang siya miapil sa NCFP tournament via chess.com.

“Why did they link me to a prostate tournament and it was not my account. The account was like a dummy. Real name ko po ginamit sa lichess not dummy account. But I don’t know kung yong AA7420 eh may mga sinalihan pang tournament na ginamit ang name ko. Yung sinasabi nilang AA7420 hindi ako yun, my goodness!”

Dugang niya sayon ra kaayo ang paggamit og lichess account, paggama og dummy accounts hilabi na nga ang chess.com konektado sa Google o Facebook account.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph