SUPERBALITA DAVAO

Frontliners nakadawat ayuda

Nakadawat na sa ilang ayudang pinansiyal ang mga frontliners sa Davao Occidental subay usab sa mando ni Governor Claude Bautista. (Orlando B. Dinoy)

MALITA, Davao Occidental -- Gisugdan na sa kagamhanang probinsiyal ang pagpanghatag sa ayudang pinansiyal alang sa mga opisyal sa barangay, lakip na ang barangay health workers ug tanod sa lima ka kalungsoran sa probinsiya niadtong Biyernes, Abril 3, 2020.

Gimando ni Governor Claude Bautista ang paspas nga pagtubag sa mga panginahanglanon sa mga frontliners aron padayong magpabilin nga Covid-19 free ang probinsiya.

Samtang dako sab ang pasalamat ni Jose Abad Santos Mayor John Jason Joyce sa paspas nga lakang sa probinsiya aron dili magutom ang ilang mga frontliners.

Nasayran nga giuna paghatag og tabang ang mga molupyo sa probinsiya human giapud-apod na ang mga relief goods ngadto sa lima ka mga lungsod sa Sarangani, Don Marcelino, Jose Abad Santos, Sta. Maria ug Malita.

Sumala ni Mayor Joyce nga hugot sab gipasidan-an sa Provincial Task Force Covid-19 ang mga frontliners nga angayang mangandam ug batukan gyud ang kagaw mao nga matag karon ug unya ginahimo ang pag-disinfect sa tanang munisipyo.

Onse na lamang ka patients under investigation (PUIs) sa probinsiya kon diin duha niini cleared na, siyam gipailawom pa sa monitoring.

Usa ka 10-anyos nga batang lalaki ang PUI human nakasinati og ubo ug kalintura bisan way travel history. Hinuon, duna kini kontak sa persons under monitoring (PUMs) ug nagpuyo sa balay sa PUM.

Hinuon gikonsidera nga usa lamang kini ka mild PUI ug gipailawom na sa home quarantine.

Ang PUM mokabat sa 1,026 diin 382 niini na-cleared na apan 644 gipailawom pa sa monitoring.

Kahibaloang gipailawom na sa enhanced community quarantine (ECQ) ang probinsiya sukad Abril 1 ug molungtad sa Abril 14, diin wala nay pasudlon nga dili molupyo sa lugar. Apan mga molupyo gitugotan nga mogawas apan di na makasulod sud sa ECQ period. (Orlando B. Dinoy)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph