Kapin milyong kantidad sa alcohol nakumpiska

GINALON. Naglaray ang mga ginalon nga mga ethyl alcohol mga disinfectant, ug mga hand sanitizers sa usa ka factory atol sa ronda sa NBI-11 ug BFAD-11 didto sa Juna Subdivision, Davao City. (Hulagway gikan sa NBI-11)
GINALON. Naglaray ang mga ginalon nga mga ethyl alcohol mga disinfectant, ug mga hand sanitizers sa usa ka factory atol sa ronda sa NBI-11 ug BFAD-11 didto sa Juna Subdivision, Davao City. (Hulagway gikan sa NBI-11)

MINILYON ang kantidad sa tanang nakompiska nga ethyl alcohol sa usa ka di lisensiyado nga factory niadtong Biyernes, Abril 3, didto sa Juna Subdivision, Davao City.

Ang operasyon gihimo sa hiniusang puwersa sa National Bureau of Investigation (NBI) Davao ug sa Food and Drug Administration (BFAD) Davao.

Gilayong mihimo og operasyon ang awtoridad human ilang nadawat ang impormasyon nga dunay ilegal nga nakahimo og ethyl alcohol ug mahal nga ginabaligya sa online.

Pagsulod sa mga awtoridad sa factory, misugat ang mga ginalon nga ethyl alcohol, mga disinfectant, hand sanitizers ug mga sabon.

Dihang gipangitaan sa mga awtoridad og lisensiya sa pag-operate ang tag-iya sa factory, wala kini gikapakita, hinungdan nga gikumpiska ang ginatos nga mga galon nga dunay mga disinfectant.

Gibana-bana nga mokabat kapin kun kulang P1.5 milyon ang kantidad sa maong mga produkto.

Kahinumdoman una nang nagbahad ang Criminal Investigation and Detection Group (CIDG) Davao nga di nila palabyon kung dunay reklamo nga mipahimulos sa presyo sa alcohol luyo sa krisis sa Covid-19. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph