GUMIKAN sa kahasol nga hatod sa coronavirus disease (Covid-19), ang Utah Jazz naahat sa pagpanaktak og mga trabahante.
Ang Jazz maoy labing unang team sa National Basketball Association (NBA) nga nagbuhat niini. Sa taho sa ESPN, wala pa masayri kon pila na ka mga non-basketball staff ang gipangtaktak sa Jazz.
Gipangkibhangan sab sa Jazz ang suweldo sa uban nilang mga empleyado.
"The Larry H. Miller Group of Companies, of which the Utah Jazz are a part, unfortunately had to make difficult decisions to reduce a small percentage of our workforce," opisyal nga pamahayag sa Larry H. Miller Group nga gidumala sa tag-iya sa Jazz. "Over the past several weeks, we have worked to manage and reduce costs, including executive compensation, and have reached a point where we have had to say farewell to a limited number of our valued employees."
Kahinumdoman nga ang pambatong sentro sa Jazz nga si Rudy Gobert maoy labing unang magduduwa sa NBA nga natakdan sa Covid-19.
Gisundan sab dayon kini sa laing sakop sa Jazz nga si All-Star Donovan Mitchell. (ESL)