SUPERBALITA CEBU

Vallena: Puol kaayo

Pedal

TINGALI, daghan na kaayong mga tiil karon ang nangatol, nag-alindasay kay naanad na nga kada Sabado ug Dominggo mosikad sa bukid ug karsada. Lahi ra ba ang atoang bation kon naanad ta og pasingot. Makaluya ang sitwasyon. Nalahi na ang normal karon.

Bisan tuod kon di kaayo estrikto ang kagamhanan sa mga tawo nga nagbiseklita, apan kon ikaw naa nagpuyo sa kinapusoran sa siyudad, wa kabukiran, mas maayong motuman na lang sa unsay gimando sa kagamhanan kay alang man kini sa atoang kaluwasan. Kuyaw ug mananakod kaayo ang novel coronavirus nga nagdala sa coronavirus disease. Mas maayong di mokompyansa.

Apan kon naa ka na duol sa bukid nagpuyo, di man tingali kuyaw kay sagad sa mga kaso nga nagpositibo naa ra dapit sa urban areas. Di usab kaayo estrikto ang mga awtoridad sa mga siklista base sa akong nakita. Unsa na kaha kon motungas na sa bukid. Hinuon, basin ang mga nagpuyo sa bukid ang masuko kon makahibawo nga ang biker taga siyudad. Basin unsay buhaton, labina niadtong naa na sa grabeng kahadlok.

Unsay buhaton

Usa nako ka higalang nurse nga naa gyud sa frontline sa Covid, niingon nga likayan ang paggawas kon wa kay tuyo. Kinahanglan maka mask ka kanunay kon mogawas sa balay.

Kada human og hikap sa kwarta, mang alcohol or manghunaw dayon. Busa, mas maayong magdala ka og alcohol pirme or disinfectant aron imong magamit sa paglimpyo sa imong mga kamot. Kanunay hinumdoman ang social distancing.

Di ni sayon sayon o ordinaryo nga kagaw ang coronavirus. Mao nga sa ubang mga nasod dali kaayo siyang nakakatap kay grabe ka mananakod. Niadtong bag-o pa ni niigo sa ubang mga nasod, sama sa Italy, kompyansa kaayo ang mga tawo didto. Diha na sila nahigmata pagsulbong sa kadaghan sa mga masakiton sa Covid ug nakapatay nag liboan.

Mao na nga dinhi sa atoa, ang quarantine ug social distancing mahinungdanon kaayo. Mao ni ang gipatuman sa ubang mga nasod mao nga nitidlom og maayo ang mga kaso sa Covid.

Immune System

Kon makapasingot ka sa balay, mas maayo. Unya imo sab nga ubanan sa pag-inom og Vitamin C, labina kon naay Zinc. Makapanalipod ni sa lawas kay immune boosters ni nga mga bitamina.

Kami gani diri sa balay nag-stock og vitamin C capsules para pag-augment sa among needs. Karong panahuna gikinahanglan ang igong pahuway, inom og daghang tubig ug pag-inom og vitamins. Sunod lang sab ta sa unsay mando sa kagamhanan. Ayaw pagpabadlong.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph