SUPERBALITA CEBU

Mongaya: Ayaw gukda ang motabang

Panahom

MAAYO kay gitangtang dayon ni Presidente Rodrigo Roa Duterte kining commissioner sa Presidential Anti-Corruption Commission (PACC) nga si Manuelito Luna kay nagpatakag yawit nga ipaimbestigar si Bise Presidente Leni Robredo.

Matod pa ni Luna, si Robredo nakigkumpetensya sa administrasyon niining iyang pagtabang sa mga frontliners nga mga health workers.

Daghan sa akong oras karong panahon sa Enhanced Community Quarantine (ECQ) kun lockdown kay naa online. Ug linya karon sa mga Duterte loyalists ngadto sa mga manaway nga motabang na lang unta.

Karon, ang labing dako nga kritiko sa kagamhanan nga si Robredo wala manaway. Nangita hinuon og paagi nga makatabang sa mga health workers nga maoy atong front liners niining gubat batok sa coronavirus disease kun Covid-19.

Apan si Luna niingon nga nakigkumpetensiya si Robredo sa kagamhanan ug busa angay lang imbestigahon.

Maayo nga nitingog dayon si PACC Commissioner Greco Belgica nga kang Luna lang kin inga personal nga sentiment ug wala kini mahisguti sa ilang commission.

Gisundan dayon ni Presidente Duterte og “anak ng puta” dihang iyang ipatangtang sa katungdanan. Sakto nga lakang Mr. President.

Ang angay hinuong nga gukdon mao kining senador nga positibo sa Covid-19 apan nagpakatag hinuon didto sa Makati Medical Center sa kagaw.

Mobile Market

Sakto lang nga mosunod ang kagamhanan sa Cebu City niining mobile market nga giuna pagmugna didto sa Syudad sa Pasig ubos ni Mayor Vico Sotto.

Atong nabasahan nga kini gisunod dayon ni Mayor Rex Gatchalian ug wa siya maulaw moangkon nga kinopya.

Maayo man gud ning ideya aron di na magpunsisok sa merkado ang mga lumolupyo sa usa ka barangay. Di man sab mo kumpetensiya sa mga sari-sari store ang mamaligya og utanon, baboy, baka ug manok.

Mao nga sayo niining semana, giingnan nako ang usa ka suod ni Mayor Labella nganong magkunsulta pa man siya nga maayo kini. Proven na man sa Pasig ug sa Valenzuela nga epektibo. Nganong maglangan pa man og kunsulta?

Mao nga kining balita nga naa nay mobile market sa Cebu City makapadasig nato.

Tubig

Daghan kaayo ang nagreklamo kabahin sa kakulang sa tubig karon sa Metro Cebu. Kasagaran, ang gripo moagas lang pipila ka oras sa gabii. Kana kon moagas man gani.

Mao nga nalipay ko sa balita nga manghatag og libreng tubig ang Mactan Rock sa mga kabus. Akong mensahe sa MCWD: ilibre na lang nang inyong gamayng tubig sa panahon sa Covid. (@anol_cebu sa Twitter)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph