SUPERBALITA CEBU

Nalzaro: Suporta sa mga frontliners

Saksi

DAGHANG mga reklamo ang nadawat sa Philippine Medical Association (PMA) dinhi sa Sugbo nga sama sa ubang nga lugar, nakasugat og diskriminasyon o bugal-bugal ang mga anaa sa medical profession o frontliners nga nag-atiman sa mga natakbuyan og coronavirus disease (Covid-19). Adunay mga frontliner nga nag-board and lodging ang gipapahawa na sa ilang mga gipuy-an. Bisan gani ang ubang nagpuyo sa condominiums gustong papahawaon sa administrators.

Didto sa ubang mga lugar, kon mahihaw-an ka nga anaa magtrabaho sa usa ka hospital diin adunay na-confined nga Covid-19 patients, dili na pasudlon sa restaurants ug pasakyon sa pambublikong mga sakyanan. Bisan man gani ang mga guardiya ug mga janitor sa mga hospital, napagan intawon.

Ato hangyuon ang katawhan nga di magpakita og ingon ani nga mga taras kay makaloluoy ang atong frontliners. Nasayod kita kon unsa ka importante ang ilang papel niining panahon sa health crisis. Ang doctors, nurses, mga laboratory technician ug uban pa ang nag-atiman sa mga pasyente. Unsa na man lang kon sila mismo ang mo-undang na sa ilang trabaho? Wala nay mo-atiman sa mga pasyente ug mograbe, di na makontrolar ang situwasyon. Mosamot kadaghan ang mabiktima ning maong virus.

Nagkinahanglan og suporta ug pagsabot ang atong frontliners. Inay nga ato silang bugal-bugalan o i-kondenar, ato silang pakitaan sa atong hugot nga suporta ug pagsabot. Magtinabangay ang tanan kay dili masumpo kining maong problema kon dili kita magkahiusa.

Hinuon, ang Cebu City ug Mandaue City Councils mipalabang naman og mga ordinansa nga magsilot niadtong mo-discriminate sa frontliners.

Kanunay kitang makadungog nga gubat kining atong gi-atubang. Tinuod gubat kini nga bisan ang mga gamhanan og advance nga mga nasud sama sa America, Britanya ug Erupa naglisud pagpakigbatok. Gubat kini nga dili nato makita ang atong kaaway. Ang atong armas niini mao ang panaghi-usa ug mosunod sa kamanduan sa mga eksperto ug mga awtoridad. (bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph