SUPERBALITA CEBU

Editoryal: Ireklamo

Editorial Cartoon by John Gilbert Manantan

NASUKO si Presidente Rodrigo Duterte sa nadawat niyang mga taho nga gigamit nga pamulitika ang paghatag sa mga hinabang sa kagamhanan ngadto sa katawhan nga nanginahanglan niini. Iyang gimandoan ang Department of Social Welfare and Development (DSWD) nga mao nay mangunay sa paghatag sa mga hinabang, di na mag-agad sa mga local government unit (LGU).

Tinuod, daghan kaayong mga reklamo nga wa sila makadawat samtang ang uban nakadawat man tuod, apan di ang gisaad sa local nga mga public official. Dunay uban nga niingon nga 25 kilos ang ihatag, apan ang niabot kuwang na. Bisan ang Superbalita Cebu nakadawat og daghang mga reklamo kalabot niini.

Kon tinuod man kining mga reklamo, pastilan, basin sa grabeng krisis karon bunga sa enhanced community quarantine (ECQ), gipahimudsan gihapon sa ubang mga opisyal ang kahigayunan sa pagpatigbabaw sa ilang political interest.

Mao nang masabtan usab ang kasuko ni Duterte ngadto sa mao nga matang sa mga opisyal kay nakahibawo siya nga kinabag-an karon nagping-it sa kalisod tungod sa ECQ. Daghan ang nangawad-an ug nangaundang sa ilang trabaho. Wa na silay income. Unya nia pay pulitika giuban pa bisan sa grabeng kalisdanan. Mas maayo kon ang publiko magmabinantayon. Ang mga non-government organization nga kunohay nagbantay sa human rights, angay nga mopakita karong panahuna sa ilang abilidad.

Sayon ra man ang pagkuhag mga ebidensya nianang pagpanglupid sa kukhan nga mga opisyal. Tan-awon ang mga public pronouncement sa mga mayor ug tan-awon sa barangay level kon pila ang niabot. I-document ang mga reklamo ug mga ebidensya. Naa may Ombudsman nga kadangpan sa tanan. Dinhi, masukod na kon ang kagamhanan, labina kini nga administrasyon, naglaban bas a katungod ug kaayuhan sa ordinaryong mga lumolupyo nga gilupigan sa mga naa sa gahom.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph