ANG molupyp sa Buhangin, Alfred Moulic sa Davao City mikampeyon sa 2nd APM Online Bullet Chess 960 Tournament nga gihimo via lichess.org ning bag-o lang.
Gipildi niya si Anthony Mosqueda sa Toril (Toril_DC) ug Nofre Reyes sa Matina (Raykean) nga nabutang sa ikaduha ug ikatulong pwesto.
Si Moulic nga naggamit sa username nga charlenelu24, miharus og 22 puntos, napildi lang dihang kaatbang ang higalang si Ely Acas sa ikaduhang round sa walo niya ka duwa.
Si Mosqueda may 21 puntos samtang si Reyes, 20.
Apan napildi ni Moulic si Acas sa ikaunom nga round.
Gipildi sab niya sila Ervin de Asis, Edward Tare, Michael Guilbang, Romeo Larayos, soul12 ug Jandee Honrada.
Ang nag-unang tulo ka mananaug midawat og GCash nga kantidad sa load ug premyo.
Si Acas namahayag nga ang third edition sa online chessfest gihimo 8 p.m. Sabado, Abril 4.
Niya, ang rekisitos lang sa magduduwa nga morehistro sa tinuod nilang ngalan alang lichess account ug di ng dummy lang.
Ipadala niya ang tournament password sa kwalipikado nga partisipante pinaagi sa private messenger.