DEAR Papa Joe,
Tagua lang ko sa ngalan nga Rona, 30 na ang edad ug pamilyado. Akong bana tua sa gawas ug nag-abang ra mi sa usa ka subdivision sa dakbayan Lapu-Lapu.
Ang akong problema kay mahitungod sa panghitabo karon. Naa man gud miy mga silingan nga bisan curfew, sige lang og inom sa gawas. Unya mosamot ra ba ka saba ug isog kon mahubog na.
Maikug sad ko motawag sa HOA Homeowners Association kay nag-abang ra mi unya wa gani kabadlong ang mga tag-iya gyud diri. Duol man gud sa among unit unya baho pa kaayog sigarilyo. Unya naa ra ba koy baby. Unsay buhaton nako? Palihug tambagi ko.
Rona
Rona,
Basin og gireklamo nana sila sa mga homeowner, pero ang problema ang pag execute sa officers. Basin way tawo ron o gamay o usa ray ga-duty ninyo nga guard nga di sad mabiyaan ang pwesto. Pero di sad na rason kay pwede man ta sila as officers maoy mobadlong.
Siguro buhaton nimo mao ang pagtawag og pulis o barangay na lang nga naay wa mosubay sa curfew sa inyo. Hangyua lang nga di lang isulti ang nireklamo. Sultii sa imong sitwasyon para makasabot ug maanha mo sunod. Kana lang ug daghang salamat.
Papa Joe
(inyong tampo ipadala lang sa papajoesuperb@gmail.com)