MANILA – Adunay video ang misis ni Senator Manny Pacquiao nga si Jinkee diin gisaw-an nila ang gikaon nga saging nilung-ag nga gituslob sa ginamos nga pawot.
Pabalik-balik si Manny sa pag-ingon nga sud sa 10 ka tuig, mao kini ang ilang pagkaon sa Gensan ug nabuhi sila sa iyang mga igsuon sa maong pagkaon.
Sarap na sarap ang duha og napagtripan nila nga pakan-on ang ilang lima ka anak og nilung-ag nga saging nga gitusmod sa una sa ginamos.
Unang nidawat sa challenge si Princess sabay inom dayon og tubig. 'It's salty," matod sa dalagita.
Sunod ang panganay nga si Jimuel nga hanas kaayong mo-Binisaya pero first time niyang makatilaw og ginamos.
Parang di nagustuhan ni Jimuel ang lasa kay nagkulismaot iyang dagway sabay inom ng tubig.
Sunod si Queenie og wala kiniy violent reaction ingon man si Michael, basta pagkahuman og tilaw, inom dayon og mineral water.
Gipahibawo ni Manny sa iyang mga anak nga mao kini ang iyang pagkaon sa dihang pobre pa siya.
Bisan si Jinkee, nakakaon sad og ginamos kaniadto pati kuno balanghoy pero gabi wa pa kuno siya makasuway og kaon.
Aside from ginamos, kinaham sad ni Manny ang nilung-ag saging parisan og kinagod nga lubi.
Nagsabot ang magtiayon nga once in a while, saging og ginamos ang ilang kan-on para ma-anad ang ilang lima ka anak nga mokaon og pinobreng pagkaon.
Ang kinamanghuran nga si Israel, morag wa mapugos ni Manny og pakaon og saging og ginamos kay wala man sa video
Bisag ako paborito ko ang nilung-ag saging tapos lusakon and then butangan og kinagod sa lubi og butangan og gamayng kamay, heaven na for me.
Kamo? Unsay ganahan ninyo i-pares sa nilung-ag saging?
Just comment sa atong comment section ilabi kadtong nakabasa niining akong kolum sa online.
Saging og ginamos, perfect nga pagkaon sa Semana Santa, pasok sad nga pagkaon sa naka-quarantine.