Ferro midepensa ni Pres. Duterte

GIPANALIPDAN sa direktor sa Police Regional Office (PRO) 7 Police Brigadier General Albert Ignatius Ferro ang pamahayag ni President Rodrigo Duterte niadtong Biyernes sa gabii, Abril 3, nga iyang ipapusil patay ang mga leftist nga mosamok sa gihimong relief operations sa gobyerno.

Matod niya, nasayop ang pagsabot sa ubang mga tawo sa pamahayag sa presidente sanglit ang gibutyag niini nga kon mabutang na sa peligro ang kinabuhi sa mga police o sundalo.

Labing maayo nga sabton ang gipanulti ni Duterte ug dili mahimo nga pun-an o kuhaan kini aron lang dauton ang administrasyon.

“Dili man, sometimes the people misinterpret the pronouncement of the president, those are rhetoric, we should read between the lines but not necessarily pag wala na siyay sala pusilon na nimo? Just wrong,” matod ni Ferro.

Nasuko si Duterte sa dihang nagubot ang pagpanghatag sa relief goods sa Quezon City niadtong Abril 2 sa dihang nag rally ang mga militanteng pundok.

“I will not hesitate. My orders are police pati military, pati mga barangay, na pagka ginulo at nagkaroon ng okasyon na lumaban at ang buhay ninyo ay nalagay sa alanganin, shoot them dead, you know we are ready for you, gulo? O barilan o patayan I will not hesitate my soldiers to shoot you, I will not hesitate to order the police to arrest and detained you,” tipik sa pamahayag ni Duterte.

Mipasabot si General Ferro nga ang kapulisan motuman sa mando pinasubay sa balaod sukwahi sa pagtuo sa pipila nga misaway sa mga programa sa administrasyon ni Duterte. Klaro sa pamahayag niini nga kon mabutang sa peligro ang kinabuhi sa mga police ug sundalo kinahanglan usab nga modepensa sa ilang kaugalingon. (AYB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph