TALIWA sa gipahugtan nga seguridad ug curfew subay sa Enhanced Community Quarantine (ECQ), ang negosyo sa ilegal nga druga sa Sityo Samabag, Barangay Tanke, dakbayan sa Talisay buhi gihapon.
Ang Provincial Drug Enforcement Unit (PDEU), Provincial Intelligence Branch (PIB)sa Cebu Provincial Police Office (CPPO) nihimo sa hiniusang buy-bust sa naasoy nga dapit niadtong Sabado sa kaadlawon sa naasoy nga dapit hinungdan sa pagkasikop sa tulo ka mga lalake.
Si Pltcol.Marlu Conag, hepe sa PIB sa CPPO, maoy nangulo sa maong operasyon.
Giila ni Conag ang mga nadakpan nga sila si Minguito, 33, ug maguwang niining si Ricardo Minguito, 45, kinsa pulos molupyo sa nahisgutang dapit.
Samtang na apil usab nga nadakpan ang ilang pag-umangkon nga si Rolito Minguito, 21, ug molopyo sa Barangay Busay, siyudad sa sugbo.
Matod ni Conag nga si Junry ang utok sa pagpamaligya samtang ang maguwang nga si Ricardo maoy hangyuon usab sa manghud nga mohatud sa mga shabu ug ang pag-umangkon niini nga gituohang gibansay sa uyoan sa mga suki nila kon asa ipang hagbong ang drugas.
"Mao na among pagtuo kay ilabi na nga taga Cebu city si Rolito nga posibleng wala ka uli kay dili baya mak sulod sa boarder
line sa Cebu city labi niining Covid-19," dugang ni Conag.
Nasakmit sa tulo ang moabot na sa 55 gramos nga shabu nga mobalor na sa kapin P300 mil subay sa iyang Dangerous Drug Board (DDB)value sa drugas.
Samtang ang mga dinakpan sa pagkuha sa ilang habig miingon si Junry nga sila sa iyang igsoon pulos mananagat samtang Rolito manupihay ug buhok.
Giangkon ni Junry ang pagpamaligya niini tungod sa kalisod sa income matag adlaw tungod na sa nasinatiang krisis.
Dugang pa ni Junry nga iskedyul ang iyang pamaagi sa pagpamalit labi na nga duna pud curfew sa mga tawo nga buot mopalit niya.
"Pag alas 8 Sir ana nga oras dili nako mang hatag kay curfew naman. Natingala gyud ko aning dakop nga mga pulis naman diay ang akong nahatagan," asoy ni Junry
Ang mga dinakpan anaa una karon gipriso sa CPPO Jail Facility. (BBT)