Hostage taker, patay

PATAY ang usa ka armadong lalake human nang-hostage sa usa ka 10-anyos nga batang lalake sa Riverside A, Barangay Subangdaku, Mandaue City, ala 1:30 sa hapon, niadtong Sabado, April 4.

Giila ang armadong lalake mga si Jeffrey Jagdon Tudtud, taga Duljo Fatima, Mambaling, Cebu City.

Sigon ni PCapt. Marvin Fegarido, hepe sa Subangdaku Police Station, miingon nga ang suspek miadto sa Subangdaku aron pagduaw sa iyang mga kaila apan tungod sa gipatuman nga "No Outsiders Allowed" policy sa maong barangay.

Naglagot kini ngadto sa volunteers tungod wala kini pasudla hinungdan nga mibunlot kini sa iyang armas.

Nakadawat ang Subangdaku Police Station og taho gikan sa mga tanod nga adunay armadong lalake sa ilang lugar.

Pag-abot sa kapulisan sa lugar, midagan si Tudtud og milayat sa sapa.

Gigukod kini sa mga pulis ug pagkita sa suspek sa presensya sa pulis gibitad niya ang 10 anyos nga lalaki ug gihimo niyang taming samtang naglakaw kini palayo sa kapulisan.

Nisuway paghangyo ang kapulisan ngadto kang Tudtud nga motahan apan mikablit kini sa iyang armas hinungdan nga mipabuto sab ang sakop sa Special Weapons and Tactics (Swat) nga miresponde ug naigo si Tudtud sa tuong bahin sa iyang liog.

Gidala ang maong suspek sa Mandaue City Hospital og gideklarang dead on arrival.

Nakuha sa lugar ang usa ka 0.38 caliber nga adunay lima ka bala ug tulo ka misfired nga bala ug duha ka live ammunition.

Sigon Fegarido nga sigon sa mga lumolupyo sa maong lugar nga ang apuhan ni Tudtud nagpuyo sa maong lugar kaniadto apan hinungdan nga aduna kini mga kaila sa lugar.

Dugang ni Fegarido nga ipakompirmar una niya ang background ni Tudtud gani gituohan kini nga bag-o lang nakagawas sa prisohan.

"Nahadlok guro siya nga mabalik pagkapriso," sigon ni Fegarido.

Ang lawas ni Tudtud anaa pa sa Mandaue City Hospital ug ipaubos una sa autopsy.

Dugang ni Fegarido nga wala pay mga tagtungod nga mitumaw sa ilang estasyon. (KFD)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph