GI-OBSERBAHAN pa karong panahona ang usa ka bata human gikabutyag sa pamilya nga namatay na apan nabuhi sulod sa pila ka mga oras diha sa Barangay Lapasan siyudad sa Cagayan de Oro.
Ang maong batang lalaki nag-edad og 2-anyos kinsa residente sa maong dapit. Gibutyag ni Jeff Baconga, Barangay Administrator sa nahisgutang dapit nga gibutyag sa pamilya nga naglisod sa pagginhawa ang bata ug gideklara usab kini sa inahan nga patay na tungod kay wala na magginhawa.
"Naglisod man daw og ginhawa ang bata so pagkagabii daw kuno nanggahi na wala na magginahawa allegedly," matud ni Baconga. Giingong ang pamilya ang nagdeklara niini nga patay na sa gabii niadtong Abril 3 ug tungod kay nigahi na rason nagpaabot pa sa ayuda sa Barangay.
Gibutyag usab ni Baconga nga andam man kanunay ang Barangay labi na sa ayuda sa mga indigent nga mga residente sa pagpangulo na usab sa ilang tsirman sa Barangay nga Julito Letlet Ogsimer. Samtang ang mga residente nibutyag nga nakurat sila sa pagkabuntag, Abril 4 gumikan kay nilihok ang bata ug duna nay pulso.
Gidugang pa usab nga gani duna na kini lungon nga na-deliver apan gi-uli na lang human nabuhi ang bata. Sa pagsulat niini nga balita kasamtangang nagpaabot pa usab ang tinugyanan sa Barangay kalabot na sa deklarasiyon sa doktor. "Unconscious gyud ang bata ako naa man gyud ko pagdala sa bata.
Gihawiran siya sa iyang mama, wala na siya gatingog wala na sab siya nagmata but the pulse is still there but he is no longer breathing," dugang pa.