LAING duha ka mga pasyente nga nagpositibo sa coronavirus disease (Covid-19) sa Northern Mindanao Medical Center (NMMC) ang gikabutyag nga "recovered" kini human nagpositibo na ang repeat swab sample niadtong Abril 4.
Nasayran nga kini ang pasyente gikan sa Davao region samtang ang usa gawas sa rehiyon. Kahinumdoman nga dunay laing pasyente ang nagnegatibo niadtong Abril 1, 2020 kinsa usa ka 66-anyos nga babaye nga taga Lanao del Sur.
Gibutyag ni Dr. Jose Chan, medical director sa NMMC nga nagnegatibo na kini sa ilang repeat swab sample.
"Mga positive ni kaniadto mga confirmed Covid-19 pero kadugayan pagrepeat sa ilang examination sa ilang throat swab negative na siya, so ato na gi-consider nga recovered," matud ni Chan.
Samtang dunay lima ka mga pasyente ang nagnegatibo usab diha sa ilang swab sample kinsa taga Salay, Misamis Oriental; Barangay Lumbia, Lanao del Sur; ug duha sa Cagayan de Oro.