ANAA sa gatosan ka mga indibidwal ang nanawagan og enhanced community quarantine (ECQ) sa siyudad sa Cagayan de Oro.
Nasayran nga ang CDO People's Forum nga gi-organisa sa mga nagpakabanang mga Kagay-anon diin gilangkoban sa mga doktor, nars, abogado, negosyante, barangay leasers, academicians, ug uban pa alang sa proteksiyon sa Kagay-anon.
Gikabutyag nga kini nga manifesto nga gipangulohan ni Dr. Meneleo "Loloy" Navarro kinsa tigpamaba mao ang panawagan sa dinaliang pagdeklara og enhanced community quarantine.
"Declare now an ECQ / enhanced community quarantine in Cagayan de Oro City before it’s too late," lakip sa maong manifesto.
" We call on Mayor Oscar Moreno and the City Government to listen to the plea of the frontliners and all other concerned Kagaya-nons, let us ensure and not only safeguard the health and welfare of our people but the very being and survival of all Kag-ayanons. We call on the City Government to speed up the much-needed support to the CDO front liners in the combat to help contain and eliminate the Covid-19 crisis in the city and for the entire Filipino nation.," dugang pa.
Samtang bisan pa man sa panawagan ug batikos kang Mayor Oscar Moreno ug sa lokal nga kagamhanan sa siyudad nagpabilin ang baruganan niini kalabot na sa deklarasiyon sa enhanced community quarantine sa dakbayan sa Cagayan de Oro.
Una na nga nibutyag si Moreno nga sayon lang ang deklarasiyon niini apan nagkonsulta usab kini sa tinugyanan sa Department of Health (DOH).
"Naa sa'y mga doctor nga nag-advocate and abi ninyo kini man gud ang enhance, kanang lockdown the LGU cannot simply do that without the guidance of the DOH. That's in the inter-agency task force.," matud ni Moreno.
Gani nanghinaot si Moreno nga dili na moabot sa punto nga mapaubos na sa enhanced community quarantine.
"I hope that we will not get to that no, I hope, pero from time to time I consult the DOH," dugang pa niini.
Samtang nagpagawas usab si Moreno sa iyang pahayag ug tubag kalabot na sa maong panawagan.
"We hope that we will prevail over the virus without having a lockdown, the repercussions of which would bring serious irreparable damage. I want to emphasize, however, that we are committed to save lives. This is non-negotiable." sa maong pahayag.
Gipasabot ni Moreno nga ang siyudad ang host sa regional hospital sa Covid-19 ug responsibilidad kini sa dakbayan isip host.
"I earnestly hope that you will understand my position," dugang pa.
Looy Ang kabus
Samtang dugang nga gipasabot ni Moreno nga sayon lang i-deklara ang enhanced community quarantine apan angayang tan-awon usab ang epekto niini sa kadaghanan labi na sa mga anaa sa ubos nga estado nga pamilya.
"It's not as if nga tungod kay ikaw ang local chief executive you can do anything you want, kay you have to look at the total picture unsay epekto," matud ni Moreno.
Gidugang usab ni Moreno nga ang transportasiyon mawala kung mag lockdown ug susama nga diskriminasiyon kini alang sa mga kabus nga wala'y mga sakyanan.
"Kay ang mahitabo diha imong gi-discriminate ang kabus nga walay sakyanan ug ang mga adunahan pwedi sila ma-kamove from place to place and that's not constitutionally valid. Problema kana kay atong mga kabus imo hinuon gilisod lisod plus the effect sa ekonomiya, " dugang ni Moreno.
Gidugang usab ni Moreno nga kung mag-lockdown dili usab kini garantiya nga mahunong ang pagkaylap sa virus apan ang importante mao ang disiplina sa kaugalingon ug magpuyo sa balay.
Gidugang pa nga ang mga kabus ang grabe nga maapektohan kung dunay lockdown nga mahitabo tungod kay walay kapas diha sa pagpundo og daghang pagkaon bisan paman sa ayuda gikan sa gobyerno.