SUPERBALITA CAGAYAN DE ORO

Quarantine checkpoints sa MisOr gi-usa

KUNG kaniadto moabot ngadto sa 25 kapin ka mga quarantine checkpoints ang maagian sa kadalanan sa este ug weste nga bahin sa Misamis Oriental, karong panahona gisugdan ang pagpatuman sa hiniusa nga checkpoint sa matag lungsod.

Kini kabahin sa pagpakigbatok sa Covid-19 ug paningkamot sa Misamis Oriental sa liderato ni Governor Bambi Emano nga di gyod masudlan ang lalawigan niini nga virus.

Kini ang gibutyag ni Atty. Jeffrey Saclot, ang tigpamaba sa Misamis Oriental Covid-19 response kinsa niingon nga niini nga nga paagi dili na kaayo hasol sa kapulisan, maatiman sab nila ang laing buluhaton pagbatok sa kriminalidad.

"Naa nay merging of checkpoints of PNP being the lead agency sa mga checkpoints kay before the set up was every municipality and city naay checkpoint. The PNP would like to save resources," matud ni Saclot.

Sa pagkakaron adunay 15 existing checkpoints nga giusa ang Misamis Oriental.

Sa weste nga bahin, una mao kining hiniusang checkpoint sa kapulisan sa Iligan City Police Office, Lugait MPS ug Manticao diha sa Barangay Salimban sa Manticao ug ang checkpoint gipahimutang sa matag boundary. Gisundan dayon sa Initao ug Naawan kung diin ang checkpoint gihimutang sa boundary sa Brgy Pagahan ug Brgy Maputi sa Naawan.

Ikatulo, gihiusa sa Gitagum ug Libertad; Alubijid, El Salvador ug Laguindingan; Pabilin sab ang checkpoint sa Amoros, El Salvador City; Cagayan de Oro City ug Opol municipal police station (MPS).

Sa este nga bahin ang hiniusang checkpoint sa Cagayan de Oro City ug Tagoloan MPS; Villanueva MPS ug Jasaan; Balingasag ug Lagonglong nga magsugod sa Balingasag proper; Salay ug Binuangan; Sugbongcogon ug Kinoguitan; Balingoan ug Talisayan; Medina ug Gingoog City; Gingoog City sab dayon ug Magsaysay ug Magsaysay ug hiusa sa Carmen Police Station sa Agusan del Norte.

Dugang ni Saclot nga ang matag checkpoint adunay color coded sticker alang sa emergency vehicle lakip na ang mga healthworkers nga dili na maghapit hapit sa matag checkpoints.

"We have color coded stickers if ikaw moagi ka sa checkpoint tagaan kag sticker example if red thats emergency vehicle so pag abot sa other checkpoints dere-deretso naka," dugang ni Saclot.

Apan matud ni Saclot nga kamandoan sa mga pasahero nga mosakay sa van, bus, taxi ug uban pa nga kinahanglan gyod monaog ug moagi sa health protocols ug mokooperar sa matag checkpoint tungod naa ipahamtang kanila kung adunay mosupak.

"Sa atong passenger kinahanglan jud sila moagi kay di nimo matag anan. This might be incovenient bit people should cooperate and sacrifice para ni sa ato tanan," matud ni Saclot.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph