SUPERBALITA DAVAO

Maligo'g dagat sa ting-init pabantayan

GIMANDOAN karon ang Philippine Coast Guard ug Philippine Navy nga maghiusa og puwersa aron sa paglusad og regular nga patrolya subay sa kabaybayonan sa Davao Gulf ilabi na sa siyudad sa Davao ug Davao del Norte aron nga mapugngan ang pagtapok sa mga tawo atol ning mga bulan sa summer ug sa Semana Santa 2020.

Kini nahisubay sa napanday nga Resolution 13, Series of 2020 sa Regional Task Force 11-Covid-19 nga naaprobahan kagahapon, Lunes, Abril 6.

Subay sab kini sa deklarasyon ni Presidente Rodrigo Duterte sa State of Public Health Emergency ug state of calamity sa tibuok Pilipinas tungod sa coronavirus disease (Covid-19) pinaagi sa Proklamasyon Numero 922 ug 929, serye 2020, sa maong han-ay.

Gipatuman ang enhanced community quarantine (ECQ) sa Davao Region tungod sa padayong pagtaas sa kaso sa Covid-19 sa dakbayan sa Davao ug Davao del Norte.

Apan bisan pa sa implementasyon sa ECQ sa mga lokal nga kagamhanan sa Davao Region, posibleng dunay mga tawo nga magtapok aron nga mag-party atol sa summer ug sa pagtapos sa kasaulogan sa Semana Santa.

Hugot gihapong gitambag sa mga epidemiologists and infectious disease specialists ngadto sa katawhan nga kinahanglan nga magpuyo sa ilang mga balay aron nga di na mokuyanap ang kagaw sa Covid-19.

Kopya sa resolusyon giduso na ngadto sa Philippine Coast Guard-Southeast Mindanao, Philippine Navy-Naval Forces Eastern Mindanao, Armed Forces of the Philippines-Eastern Mindanao Command, Philippine National Police XI, tanang gobernador sa mga probinsiya sa Davao Region, ug sa lokal nga kagamhanan sa Davao City aron sa pag-aksiyon. (Wenz G. Mendoza)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph