DEAD on the spot ang usa ka amahan human gisaka sa wa mailhing mamumuno ang iyang balay dayon gipusil sa Sityo Suba Masulog, Barangay Basak, Lapu-Lapu City ala 1 sa hapon, Lunes, Abril 6, 2020.
Ang biktima giila nga si Jaymar Carpentero, 27, usa ka trabahante sa Cebu Light Industries, Barangay Basak, Dakbayan sa Lapu-Lapu.
Inisyal nga imbestigasyon sa kapulisan nga nagtimpla niadtong higayona si Carpentero og gatas sa iyang naghilak nga anak sa dihang gipusil sa makadaghang higayon.
Atol niining pagsuwat wa pa matino ang motibo sa maong krimen. (FVQ)