SUPERBALITA CEBU

Mongaya: Mahimo na sa 4Ps ATM

Panahom

MGA household heads sa record sa 4Ps dinhi sa Central Visayas mahimo nang maka-withdraw sa ilang ATM card sa ilang Abril 2020 nga cash amelioration program.

Gianunsyo kini ni Undersecretary Jonathan Malaya sa Department of Interior and Local Governments (DILG) diha sa usa ka online press conference nga gipahigayon kagahapon sa buntag uban sa pipila ka mga sakop sa media.

Nagkanayon si Usec Malaya nga nag-una kining mga kabus nga sakop sa Pantawid Pamilyang Pilipino Program (4Ps) ubos sa Social Amelioration Program (SAP) Bayanihan Fund: Tulong Laban sa COVID-19 nga gi-download na ang assistance kada household sa miaging Biyernes, Abril 3, 2020.

Ang CAP gikan sa P5,000 ngadto sa P8,000 kada household. Ang mahatagan mao ang registered sa 4Ps nga maoy head of household. Kasagaran kanila kay ang mga inahan. Tingale tungod kini kay ang mga bana tua sa trabaho sama sa construction o tapulan lang gyud. (Ihawa na lang nang inyong hiniktan oi. Kapoy bayag hapyod)

Hinuon ang mga household sa mga dapit nga walay banko sama sa mga isla moagi gihapon sa naandang paagi sa 4Ps.

Giklaro lang nga alang kini sa sakop sa 4Ps ug di na sila mahimong mokubra pa sa ubang hinabang sa kagamhanan. Ang wala masakop sa 4Ps kay anha moagi sa naandang manual nga paagi sa Department of Social Welfare and Development (DSWD).

Si DSWD Director Justine Batobabe sa National Household Targeting System, nga uban sa maong online press conference, nagkanayon nga mo-coordinate sila gihapon sa mga local governments sa ilang manual distribution alang sa ubang mga beneficiaries.

Nidugang siya nga sa ilang timeline, makuha na sa mga LGU karong Biyernes ang kwarta. Kana kon nakapadala sila dayon kagahapon sa ilang database ug ubang mga required information.

Gipaabot kaniya nga dunay problema kabahin sa mga LGU labi na kabahin sa Mayor’s Information and Liaison Office (MILO) dinhi sa Cebu City. Hinuon, nagkanayon ang DILG nga ila kining susihon kay duna man leeway ang mga LGU sa ilang pamaagi.

Politika

Ang ako lang kay kinahanglan ang mga hinabang moabot dayon sa mga kabus. Kon labing dali sa lihok sa national kay karong Biyernes maabot sa mga mayor ug gobernador, pila pa kaha ka adlaw nga moabot kini sa ubos?

Hinuon, ang akong basehan mao kining mga reklamo labi na gikan sa Syudad sa Sugbo. Ambot lang nganong moingon si Mayor Edgar Labella nga walay politika unya iyang gigamit ang MILO nga ang tuyo mao ang pamulitika.

Sa akong basa sa katawhan karon, mas daygon pa unta siya kon iyang gisiguro nga ideretso na sa mga barangay ma-BOPK man o Barug ang barangay kapitan.

Mas moguwa nga statesman si Mayor Labella ug mas hapsay ang distribution sa mga hinabang. Sa pagkakaron, alams na. @anol_cebu sa Twitter


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph