SUPERBALITA CEBU

Nalzaro: Kinsa ang malakip sa SAP

Saksi

KON nagkagubot man ang pagpanghatag og relief goods ingon man quarantine passes nunot sa pag-implementar sa enhanced community quarantine (ECQ), unsa na gyud kaha kining pagpanghatag og cash assistance pinaagi sa Social Amelioration Program (SAP)? Ang SAP gikan kini sa nasudnong kagamhanan ug gipaagi sa Department of Social Welfare and Development (DSWD) ug sa pagpakig-alayon sa mga local government units (LGUs) lukop nasud ubos sa balaud sa Bayanihan To Heal as One Act.

Ang amelioration nagpasabut og pag-uswag o paghimong mas maayo. Sa ato pa, gipaabot sa katawhan nga kon naa na kita ning maong card makapaabot ta og gamay’ng alibyo sa atong kahagip-ot gumikan sa krisis nga atong gi-atubang nunot sa papakigbatok sa Corona Virus Disease (Covid-19). Naghinatagay na didto sa kauluhan diin ang mga makabenipisyo nakadawat na og P5,000 ug P8,000. Dinhi sa rehiyon, P6,000 ang madawat sa mga beneficiaries.

Ug base sa guidelines sa DSWD ang makadawat mao lang kining mosunod; ang mga beneficiaries nang daan sa Pantawid Pamilyang Pilipino Program (4Ps) apan dili ang kinatubuk-ang kantidad kay pun-an lang ang ilang regular nga gidawat), pedicab, tricycle ug habal-habal drivers; mag-uuma, mangingisda, construction workers nga nahunong gumikan sa Covid-19, kadtong tag-iya og sari-sari store nga nanira, solo parents, senior citizens, person with disability (PWD) ug kadtong mga wala gyuy ikasarang. Adunay forms nga i-fill up ang gustong mo-apply.

Makasabot ta sa makadaghan na nga gisulti ni President Rodrigo Duterte nga kitang tanan apil niining maong ‘gubat’ sa kagaw nga kinahanglang mohimo kita sa atong bahin pagtabang sa gobiyerno.

Pero kadtong dili makadawat gumikan sa duwa sa pulitika, dili kaha magrigor ang ilang hunahuna ug magkutoy ang ilang mga tiyan nga mamatay nalang sa kagutom? Kini unta maoy angay’ng huna-hunaon sa atong mga lider. Sus, nagkagubot man gani ang paghinatagay sa mga relief goods, unsa na gyud kaha kini. (bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph