Pulis mi-serve sa warrant of arrest napatay

LEYTE, - Patay ang usa ka pulis nga miuban pagserbi og warrant of arrest sa usa ka wanted person sa barangay Libas ning lungsod.

Ang insidente nahitabo pasado alas 10 sa gabii, Dominggo, Abril 5, 2020.

Giila ang nakalas nga si Police Staff Sergeant Fernan Canuda, nadestino sa Regional Anti Illegal Gambling Task Force (RAIGTF) 8.

Ang suspek mao ang wanted nga si Lionillo Medalla, kinsa adunay warrant of arrest sa kasong murder.

Matod sa report, samtang padung na iserbi ang warrant, nakabantay si Medalla sa mga pulis hinungdan nga mikuha kini sa iyang armas ug namusil.

Naigo si Canduda nga miresulta sa iyang hinanali nga kamatayon samtang nakasibat dayon si Medalla, kinsa wa pa madakpi sa kapulisan sa pagsuwat ning taho.

Wa pa matino sa kapulisan ang kalibre sa armas nga gigamit Medalla samtang nanawagan sila sa publiko nga mopahibawo kon dunay nasayran asa na ang suspek aron madakpan gilayon. (JKDP)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph