SUPERBALITA CEBU

Hinabang sa seniors iagi sa cash card

ADTO na mokobra sa mga automated teller machine (ATM) ang 80,000 ka mga senior citizen sa dakbayan sa Sugbo alang sa ilang dawaton nga financial assistance.

Kini ang gitinguha karon sa Cebu City Government ubos ni Mayor Edgardo Labella aron mapadali ang paghatag sa hinabang, apan sa samang higayon, di mag-ungaw sa kadaut ang mga senior citizen taliwa sa mananakod nga coronavirus disease (Covid-19).

Ang sakit kuyaw alang sa mga hamtong ug tiguwang nga maoy sagad nangamatay dinhi sa Pilipinas.

Ang Dakbayan sa Sugbo duna nay 22 ka mga kaso, lima niini nangamatay nga nag-edad og mga 66 ngadto sa 70 anyos.

Sa tibuok Sugbo, ang Cebu City maoy dunay labing taas nga mga kaso sa Covid-19.

Ihatod

Ipanghatod sa matag balay ang cash card maoy ihatod sa balay pinaagi sa pagpakigtambayayong sa mga barangay official ubos sa liderato sa Department of Social Welfare and Services (DSWS) ug Office of Senior Citizen Affairs (OSCA).

"Of course atong gihangyo kay murag naa may group ana. Bank ni nga dili lang limited sa Land Bank ATM," padayag ni Labella.

Ang mayor, pinaagi kang City Administrator Floro Casas Jr., maoy nakigtambayayong sa kadagkuan sa Land Bank, labing dako nga depositary bank sa Cebu City Government, para mapasayon ang distribution, hilabi na niining panahon sa krisis mugma sa Covid.

Kon mahuman na ang pag-isyu sa cash card, mahimo nang madawat sunod semana ang tag P2,000 sa qualified senior citizens.

Matod ni Casas nga gustuon man nila pag-distribute hinabang, kantidad apan dili nila mahimo nga tapukon ang mga benepisyaryo gumikan sa social physical distancing, stay at home order sa senior citizens.

Gawas niini, delikado sa seguridad sanglit moabot sa P160 milyones ang mogawas nga kwarta atol sa pagpanghatag.

Si Labella nagkanayon nga mahimo rang maka-withdraw ang mga anak o immediate family sa senior citizen hilabi na kadtong na stranded sa ubang lugar gumikan sa enhanced community quarantine (ECQ).

Gawas niini, ang mga senior citizen usab ang dali nga mataptan sa maong sakit hinungdan nga ilang gipangitaan og paagi og ang pag-distribute pinaagi sa cash card.

Kini nga sistema sa maoy gamiton sa mosunod nga distribution hangtod mahurot og hatag ang ilang tag P12,000 matag tuig. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph