SUPERBALITA CEBU

67-anyos nga ginang bag-ong kaso sa Covid sa Lapu-Lapu

GIPAHIBAWO ni Lapu-Lapu City Mayor Junard “Ahong” Chan nga usa ka taga Brgy Maribago ang bag-ong positibo sa coronavirus disease (Covid-19) sa iyang dakbayan.

Usa ka 67-anyos nga asawa og usa ka nanginabuhi parte sa turismo sa dakbayan, sumala pa ni Chan, ang bag-ong pasyente.

Subay niini, ang Kagamhanan sa Dakbayan nagsugod na pagpatuman sa ilang mga preemptive measures sama sa pagpaubos sa mga naka contact sa naasoyng pasyente sa home quarantine.

Way makagawas ug makasulod sa balay niini nga mga kabanay samtang obserbaran sila.

Giingong aduna hinuoy koral ang balay sa nagpositibo samtang gipahigayon na usab sa kagamhanan ang pag disinfect sa panimalay niini.

“Akong pahimangno sa tanan nga magpabilin sa inyong tagsa-tagsa ka panimalay para siguradong maluwas kita sa maong sakit. Let’s continue to pray sa atong mahal nga Birhen sa Regla sa Balaang Bata Snr. Sto, Niño,” pahimangno ni Chan sa tanang Oponganon.

naulian na

Samtang gipahibawo usab ni Chan nga ang bag-o lang nga na-discharge nga kanhi nagpositibo sa Covid-19 nakauli na sa ilang pinuy-anan sa Brgy Babag.

Gipaniguro usab sa mayor nga ang kabanay niini ug uban pang nagpuyo uban niini pulos negatibo sa Covid-19.

Pulos na usab sila nahuman sa 14 ka adlaw nga home quarantine busa way angay kahadlokan ang mga silingan niini.

Mao kini ang giluwatan nga pamahayag ni Chan aron paghupay sa kabalaka sa mga silingan unsa sila kaluwas batok sa Covid-19.

“Nagpasalamat ta sa labawng makagagahom nga ang atong first Covid-19 patient nakauli na sa ilaha ug nakarecover na sa virus,” matod ni Chan. (GCM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph