SUPERBALITA CEBU

Tambagi ko Noy Kulas: Gugma sa Covid

DEAR Noy Kulas,

Maayong adlaw ninyo sa Superbalita. Maayo kay nagpadayon gihapon mo sa paggawas bisan sa kalisod sa panahon karon.

Kaning akong story parte ni sa love sa atong panahon karon sa Covid kay naatol man. Actually, nakauban nako sa work ang kining us aka babaye nga taga probinsya sa Mindanao pero naa na siya nagpuyo ug nag work diri sa Cebu. Di pa mi dugay nagkauban kay bag-o ra siya nadawat sa among kompaniya. Lockdown man, wa mi work, pero nagpadayon ang among communication sa Messenger ug didto, nakapadayag na ko sa akong feeling ngadto niya. Pero sulti niya nako nga friends lang una mi. Nanghangyo siya nako nga kon naa kuno magpaabang duol sa amoa or kami, ready siyang mobalhin kay wa siya makauyon sa ilang lugar.

Sa sige namo og chat, na inlove na hinuon ko og maayo sa iyaha. Gawas sa chat, dugay na mi mag talk sa phone. Makilig siya kon mosulti na ko niya og I love you pero di pa siya makatubag. Noy, naa kaha koy chance niya? Unsa akong buhaton aron maako siya?

Mar

Mar,

Ipadayon lang na ang imong gibuhat niya kay moani ra ka og maayo. Agwanta ra ug kakugi ug ipakita niya nga sensiro ka sa imong tuyo. Basta makakita gud ang babaye nga sensiro ug tinarong ang imong tuyo niya unya quality sa pagkatawo ang gitan aw sa babaye, di physical, segurado kang makapasar.

Ayaw lang ka puol, paghuwat sa hustong higayon kay ang tinud-anay nga gugma makahuwat man gyud. Seguroha lang nga ang imoha tinud-anay nga gugma, di kanang attraction lang kay mohupas ra na, labinag magkita mo unya hatagan ka niya og panahon nga maka-date mo unya dinala ra diay ang imong pagbati sa kalaay sa inyoha. Makaamgo ka ra nga ibog-ibog ra ang imoha. Naa ra bay mga panahon nga ingon niani ang imong bation.

Ilha usab og maayo ang imong kauban. Nice na kon anha na siya puyo duol sa inyoha, naa na moy time nga magkaestorya og maayo. Hinayhinay lang.

Noy Kulas

Rojval69@yahoo.com ug kulassuper@sunstar.com.ph


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph