SUPERBALITA CAGAYAN DE ORO

33 anyos Covid-19 patient sa Camiguin gikan sa Manila

GIPAILAWOM na og striktong pag-atiman ang 33 anyos nga babaye nga taga Mahinog, probinsya sa Camiguin, kinsa pinaka-unang kaso sa maong probinsiya sa coronavirus disease (Covid-19).

Kini ang gibutyag ni Camiguin Governor Jesus Jurdin Rumualdo atol sa iyang Facebook live ug nipasabot sa Camiguinon nga ilang gihimo karon nag contact tracing.

"Atong gibuhat nag contact tracing ta para ma check nato tanan kinsa ang iyang kaestorya kay automatic gyod na sila person under monitoring deretso, so hopefully, dili molala bisan walay symptoms pero kini atong positive ashmatic," pasabot ni Romualdo.

Dugang niini nga duna kini kasaysayan sa pagbiyahe sa Manila alang sa usa ka conference niadtong Marso 8 ug niabot sa Camiguin niadtong Marso 14.

"Wala ni niya nakuha diri sa Camiguin sa MisOr o sa Cagayan de Oro City kay nag-apil ni siya og conference didto sa Manila," matud ni Romualdo.

Giingong pag-uli niini, gipaubos deretso og 21 adlaw nga kwarantinas.

Posibleng nataptan kini sa nagpositibo nga lecturer sa conference niini didto sa kaulohan.

Human sa kwarantinas sa 33 anyos, nakasinati kini og sintomas.

Sabado sa hapon nakuha ang resulta nga positibo sa Covid-19.

Pasalig ni Romualdo nga giareglar na og maayo ang pastyente ug gi-isolate karon panahona.

"Ayaw lang mo kaalarma, ayaw og himo-himoi og estorya kanang ibutang dayon ninyo dinhi sa Facebook nga mahimo dayon og fake news. Hulat mo sa akong balita diri sa akong page para sa Camiguin. I hope nga dili ni mokalat ug I'm sure nga dili na gyod ni mokalat kay gitagaan nato siya og another 7 days to rest," matud ni Romualdo.

As of April 5, 2020, ang probinsya sa Camiguin nagtala og 70 ka person under monitoring (PUMs) ug walay natala o zero ang person under investigation (PUIs)

"Dili ta magsalig, stay at home diha ramo sa inyong balay," hangyo ni Romualdo sa iyang katawhan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph