SUPERBALITA CAGAYAN DE ORO

Misamis Oriental di pa kinahanglan ipaubos sa ECQ

DILI pa kinahanglan nga ipaubos sa enhanced community quarantine (ECQ) ang lalawigan sa Misamis Oriental.

Gipasabot ni Jeffrey Saclot ang tigpamaba sa Misamis Oriental Covid-19 Response nga kini tungod kay wala pay natalang positibo nga kaso sa coronavirus disease sa lalawigan.

Gipasabot niini nga ang Department of Health mismo maoy moabiso kung makita nila nga ang usa ka lugar paspas ang pagsaka sa ihap sa nataptan.

“So far dili kailangan og enhanced community quarantine ang MisOr kay ang enhanced man gud ayha nana siya kung naay significant numbers of Covid-19 positive cases,” pasabot ni Saclot.

Dugang niini nga kung mograbe posible kini nga moabot nga kamandoan.

“Moabot man gyud ta sa enhanced community quarantine kung dili na ma-control ang increase sa Covid. So far we are very thankful nga nagamay ug nag-decrease and that’s a very good development kung ang mga tao motuman lang gyod sa order sa atong gobernador mo decrease ug dali ra mawala ang cases like number of PUIs, number of PUMs para dina ta moabot sa enhanced,” pasabot niini.

Sa iyang bahin ni Misamis Oriental Governor Bambi Emano sa uwahing interbyu sa SunStar Superbalita niingon nga kung mograbe ang sitwasyon sa Covid-19 andam siyang motabang sa dakbayan sa Cagayan de Oro.

“I am more than willing to help Cagayan de Oro City,” matud niini ug mapasalamaton kini karon panahona nga nagkaubos ang ihap sa mga PUIs ug PUMs sa lalawigan ug dakbayan ug epektibo ang pagpatuman sa community quarantine.

Nagpagawas lamang kini karon og bag-ong executive order nagmando sa tanan mga mayor sa lungsod nga himuong gabayan ang iyang deklarasyon nga general community quarantine ug dili na magpagawas pa og laing kamandoan. Gikinahanglan nga usahon na tanan aron mawala ang kalibog sa publiko.

Gikan sa Abril 5 nga data gikan sa Provincial Health Office adunay 14 ka mga patient under investigation (PUI) ug 712 ka person under monitoring (PUM).

Ang 14 ka PUIs dili grabe ug anaa lamang naka self-quarantine sa ilang puloy-anan.

Gilauman ni Emano nga magpadayon kini nga kalamboan ug dili na madugangan ang ihap basta ang katawhan mokooperar ug motuman sa mga gabayan ug kamandoan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph