SUPERBALITA CEBU

Lonzon: Covid padung na mawala?

Mata Sa Agila

BASTA di lang gayud magmagahi sa ulo ang katawhan, di magdugay aron molayas ang virus ug dili na makapanakod.

Dinhi sa siyudad sa Sugbo ug probinsya mibahar o mikunhod ang gidaghanon sa mga tawo nga nahimong positibo sa Covid -19.

Miminos gud og kalit ang daghang mga tawo nga gitawag og Patients Under Monitoring (PUM) sa mga nagkadaiyang barangay sa siyudad.

Kini nagpasabot dali kaayong naayo ang gibati sa ilang lawas kay nagpuyo ra sa balay ug nag-inom sab ug tambal.

Dihay mi-aksyon kog kabalaka sa gipagawas nga report duha ka semana ang milabay sa kadaghang nag PUMs.

Sa Barangay Kamputhaw, sa among lugar, dunay 100 nga PUMs. Samtang sa bag-ong report nga gipagawas sa Cebu City Government duha na lang ka buok.

Mao sab ang nahitabo sa tanang barangay sa siyudad sa Sugbo kalit nga nanga-ayo ang nag PUMs .

Ang Cebu City maoy epicenter (sumala ni Gob. Gwen Garcia atol sa usa ka presscon) sa Covid-19 sa Sugbo. Mao kini hinungdan nga mipagawas og executive order si Mayor Edgardo Labella sa pag-lockdown sa siyudad niadtong Marso 29.

Kay ang siyudad dunay 21 ka kaso sa Cocvid-19 ug dunay nanga matay. Sa pagsuwat nako sa Kolum dunay usa nga na dugang posetibo nga mi-total ug 22 ka pasyente.

Ang probinsya sa Sugbo pinaagi ni Gobernador Garcia, estriktong mipatuman sa lockdown pag March 31 pinaagi sa executive order aron di makatabok sa probinsya sa virus.

Sa akong tan-aw di magdugay makabalik na unya sa normal ang tibo-ok Sugbo basta mo suporta ang katawhan sa gobiyerno sa pagpuyo sa balay. Salamat kanimo Lord!

Mga kabus

Para nako gikinahanglan ang dunay katungod nga mga kabus maoy makadawat sa tabang sa Department of Social Welfare and Development (DSWD)

Dili kita mosugot nga pahimuslan sa mga adunahan nga dunay koneksyon sa mga opisyal sa barangay ang maong programa.

Tamparuson nato sila pinaagi sa pakauwaw tungod sa di maayong buhat! Isumbong sa Departrment of Interior and Local Government (DILG) ug media ang mga kapitan kon magpabadlong. (mail:efrenlonzon71@gmail.com o text sa 09235562777)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph