DEAR Papa Joe,
Ako diay si Efren, 45 anyos. Ang akong suliran kay wa man gyud mi tagai pa diri sa amo nga Barangay sa Lapu-Lapu. Di lang nako e mention para sa akong proteksyon ug naa ra nimo og di nimo ni i-publish.
Matod pa sa mga estorya kay di lagi mi kagawas. Way apil ang mga subdivision kay may kwarta daw mi. Pero gaabang man mi diri ug no work no pay ko kay driver man ko og depasaheruan. Unya ang ubang subdivision naa lagi.
Unsa may buhaton namo ani nga magutman mi, alang alang naman og mamahawa mi diri para lang mahatagan mi kay wa miy balay. Pasalamat gani mi nisabot ang tag iya. Palihug tambagi ko unsay among buhaton samtang kaya pa namo.
Efren
Efren,
Wa sad ko masayud sa padagan sa inyong barangay, pero sa ngalan nga subdivision, ang inyo untang home owners association officers ang mo-facilitate ana or kon wa gyuy aksyon, pangita mo og contact sa mayor para ma followup ninyo kay kitang tanan gutomon man.
Di sad maayo mamolitika ug samot di sad maayo mo conclude ta nga wa gyuy basihanan nga di mo hatagan og apil sa local government. Pagsusi sab mo. Kana lang ug salamat.
Papa Joe
(sa inyong tampo ipadala lang sa papajoesuperb@gmail.com)