Malasakit Lounge himuong kapahuwayan sa frontliners

HUMAN makita ni Land Transportation Office (LTO) 7 Regional Director Victor Caindec ang kakapoy sa mga medical health workers sa Cebu City Medical Center karong panahon sa Enhanced Community Quarantine ug sa ka limitado sa masakyan pauli, nakadesider kini nga himuong sleeping quarters ang ikaduhang andana sa buhatan sa Malasakit Lounge sa N. Bacalso Avenue, dakbayan sa Sugbo.

Matod ni Caindec nga adunay 12 ka bunk beds ang ilahang sleeping quarters ug adunay 10-15 ka ka lingkuranan sa maong lounge nga mamahimong magamit sa health workers.

Dugang niini nga gi-finalize na nila ang Memorandum of Agreement tali sa ilahang buhatan ug sa CCMC aron mahibawo usab ang mga kawani sa maong tambalanan nga adunay ingon niini nga libreng kapahuwayan ang health workers.

Gawas sa libreng kapahuwayan mamahimong maligo sa Malasakit Lounge.

Gibutyag usab ni Caindec nga adunay body misting bath ug foot bath ang pasulod sa nahisgutang Malasakit Lounge aron masiguro mga ma-disinfect ang mosulod niini.

Karong semanaha gikatakda nga operational na kini alang sa tanang health workers sa CCMC ug sa Sugbo.

Giklaro usab ni Caindec nga “Clean As You Go” ang ilahang palisiya sa maong lounge ug kinahanglan nga dalhon sa health worker ang iyahang butang tungod kay walay kabilinan sa maong lounge.

“Yes, open 24/7 with access control by CCMC and LTO-7,” si Caindec nagkanayon.

Lakip sa ilusad sa LTO 7 ang duha ka mga Malasakit Bus alang usab sa health workers nga manukad kini diha sa ilahang buhatan paingon sa Starmall sa Talisay City ug sa Pacific Mall sa Mandaue City.

Hinuon bisan og airconditioned kining duha ka mga bus nga ilahang gamiton, apan regular kini ilang gi-disinfect. (HBL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph