MILO dili kaapil paghatag sa SAP

DILI makaapil ang mga sakop sa Mayor's Information ang Liaison Office (Milo) sa pag-ila sa mga benepisyaryo sa Social Amelioration Program (SAP) sa national government pinaagi sa Department of Social Welfare and Development (DSWD).

Si Mayor Edgardo Labella nagkanayon nga ang gitahasan niini mao ang Department of Social Welfare and Services (DSWS) kinsa gimanduan sa mayor sa pagpakigtambayayong sa mga incumbent barangay officials.

"Akong hangyuon nga kanang pundok sa Milo dili lang una mo apil. Gani kaning atong social amelioration card duna may pirmahan didto ang barangay kapitan. So ato ning ihatag nila and I hope di gyud sagulan og pamulitika," padayag ni Labella.

Sa 80 ka barangay sa Cebu City, mayoriya sa mga barangay kapitan kaalyado sa Bando Osmeña Pundok Kauswagan (BOPK) apan ang uban kanila naghinayhinay na og suporta sa administrasyon.

Gumikan niini, si Labella nanawagan ngadto sa tanang barangay kapitan nga ayuhon og pili ug siguraduhon nga ang makadawat kadtong mga lehitimong benepisyaryo aron dili mausik ang pundo sa gobyerno.

"Akong hangyuon nga ang atong mga kapitan, mga officials sa barangay kaalyado nato or ingnon nato tua sa atbang nga unta they should be very objective and they should follow the guidelines religiously paghatag ngadto sa mga beneficiaries aning social amelioration program," dugang ni Labella.

Sa Cebu City, gipahibawo ni Labella nga 262,000 lang ka benepisyaryo ang makadawat sa tag P6,000 nga ayuda gikan sa national government gumikan sa padayon nga hulga ug epekto sa Covid 19.

Ang mayor nagkanayon ug niangkon nga gamay ra ang gidaghanon sa mga benepisyaryo itandi sa populasyon sa dakbayan hinungdan nga pili-on og maayo sa DSWS ug barangay kon kinsa ang makadawat ug mga lehitimo nga benepisyaryo. (PAC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph