MANILA - Naka-base karon sa Japan ang kanhi sexy actress nga si Ramona Revilla kauban ang iyang engineer nga bana nga si Freddie Farrell ug ang ilang triplets nga super cute na cute nga sila si Frederrie, Freohsyl ug Fersiana.
Pero from time to time, kanunay mouli sa Pinas ang pamilya tungod kay may mansion sila sa BF Homes, Paranaque. May balay sad sila sa San Diego, California.
Karon lang medyo dugay-dugay nga wa makauli sila tungod sa lockdown ug nag-eskuyla na ang Triplets sa Japan. Kaniadto pa man, sa tanang kalambuan ni Monang, kanunay niyang kasalo ang iyang inahan nga si Mommy Sylvia nga dili puwedeng mawa sa iyang panan-aw, bisan asa sila magpuyo kauban nila si Mommy Sylvia.
Sa tinuod lang, daghang mga artista ang inggit na inggit sa estado karon ni Monang. Kon unsa man ang uso sa bag, sinina og sapatos, dili mo siya maonhan. Duna siya'y bana nga good provider, bata ug ambungan og higit sa lahat buotan. Mahal niya ang mga mahal sa buhay ni Ramona.
Labaw sa tanan, aduna siya'y mga gwapang triplets nga maoy nagpa-kumpleto sa iyang kinabuhi. Sa dihang mingsabwag ang Dios og grasya, nasawo tanan ni Monang. Nga iya namang gi-share sa mga nanginahanglan ilabi na karon nga way kita ang mga close niyang mga reporter, bisan wa siya pangayoi siya na ang nagkusang mangayo og bank or remittance detail para moayuda sa mga press nga mobulan na nga way income.
Dako ang pasalamat nila kang Ramona ug sa makausa pa, ilang namatud-an nga lahi ra jud ang mga artista kanhi kung itandi sa mga artista karon.
Sila, lapas pa sa artista-reporter ang relasyon, pamilya na ang turing nila, og sa panahon sa kawad-on, andam silang motabang.
Sa daghang blessing pa ang makuha ni Ramona nga nasayod kong iya sad kining i-share sa mga less fortunate.
Makita si Ramona nga naka-bathing suit. Bisan og may Triplets na si Monang pero wa niya pasagdi ang iyang lawas. Kuha kini kagahapon samtang padung siya sa ilang swimming pool para maligo.