ARON pagwagtang sa kalaay ning panahon sa Enhanced Community Quarantine (ECQ), ang grupo ni International Boxing Federation (IBF) junior bantamweight champion Jerwin Ancajas nananom sa ilang Survival Camp.
Nagkanayon ang manager-trainer ni Ancajas nga si Joven Jimenez nga nakahunahuna sila nga magtanom og mga utan ug mga buwak gumikan kay halapad ang hawanan sa ilang training camp.
“May pechay, talong at halos lahat ng gulay itinanim namin dito. Pinaikot naming ung mga tanim sa buong camp, " matod ni Jimenez.
Nagsugod sila og pananom sa pagsugod og lockdown sa nagkadaiyang mga lugar sa nasod.
“Naging busy kami sa kakatanim mula noong mag-lockdown, mahigit two weeks na rin,” dugang ni Jimenez. “Yong mga tinatanim po namin ay para sa amin at matuto rin kami kung paano ba ang magtanim. Masaya rin po pala mag-farming. Nakakaaliw, kanya-kanya po kami ni Jerwin at iba pang boxer ng tanim."
Sa wala pa sila nagtanom, ang grupo ni Ancajas nagbuhi na og mga manok, baby ug kanding.
Apan bisan sa kadaghan nilang gimbuhaton, padayon gihapon si Ancajas sa iyang training aron magpabilin kining kondisyon sa panahon nga mobalik na sa normal ang dagan sa sitwasyon.
“Ang mitts niya nasa 4-6 rounds, low intensity lang. Wala pang sparring, pero baka next week mag-start na rin (sparring),” pasabot ni Jimenez.
Sa wala pa gideklarar ang lockdown, si Ancajas, 28, nangandam na alang sa iyang ikasiyam nga pagdepensa sa korona nga gikatakda unta karong Abril 11, 2020 sa Cosmopolitan Resort & Casino sa Las Vegas.
Apan nauswag sa wala pa matino nga petsa ang away gumikan sa kahasol nga hatod sa Covid-19.
Bisan pa niini, wala molugak sa pagpangandam si Ancajas hilabi na kay mao kini ang labing unang higayon nga moaway siya sa Las Vegas.
“Pangarap ko talaga makalaban sa Las Vegas, kaya focus pa rin kami sa training. May lockdown o wala, lagi naman akong lockdown sa training,” padayag ni Ancajas.
Si Ancajas aduna 32-1-2, 22KOs nga rekord. (ESL)