GIAWHAG sa Cebu City Government ang mga tawo nga nakasinati og influenza-like illness (ILI) nga moduaw sa mga cluster clinics nga giestablisar sa City Health Office (CHO).
Ang mga cluster clinics nahimutang sa may Pit-Os Gym sa amihanang bahin sa dakbayan; Brotherhood Gym sa Barangay Basak San Nicolas sa habagatan; Sawang Calero Gym sa kasadpan; Tinago Gym sa may sidlakan; ug Cebu Medical Society Compound sa Barangay Banilad.
Abli ang mga cluster clinics gikan alas 8 sa buntag hangtud alas 3 sa hapon.
Sa Facebook post sa Cebu City Public Information Office (PIO), abli ang cluster clinics alang sa pagkonsulta sa mga tawo nga nakasinati og ubo, sip-on, hilanat, sore throat ug diarrhea.
Ang pagtukod sa mga cluster clinics usa ka stratehiya sa CHO atol sa pag-detect sa early signs sa coronavirus disease (Covid-19). (JJL/RDR)