Raffy Tivar nalangkat titulo

SI RAFFY Tivar sa Tagum City miyabo sa laing 19 ka kaatbang aron makuha ang titulo sa four-leg Beating the Covid-19 Grand Prix Online Chess Tournament nga nahuman, Dominggo, Abril 5.

Si Tivar mirekord og 65 puntos aron manguna sa kompetisyon nga gihimo via lichess.org ug gi-isponsoran ni Atty. Jong Guevarra Jr.

Ang iyang 21 ug 22 puntos sa una ug ikatulong liga mihatag kaniya og adbentahe sa overall individual ranking taliwala sa di maayong performance sa fourth ug final leg.

Si tournament coordinator Ely Acas nagsulti, "Nag-champion lang gyud na si Tivar kay taas na syag score after third leg."

Si Ramil Langamon sa Panabo City ug Renard Mamaril sa Digos City, nga pulos miiskor og 63 puntos nabutang sa ikaduha ug ikatulo.

Apil sa top 10 sila Marlowe Cagulada (61), Godo Tisocan (60), Jaybel Dalipen (57), Alfred Moulic (54), Ian Dwight Llanto (54), Romeo Larayos (54) ug John Gerard Acedo ( 51).

Si Grand Prix runner-up Langamon miguwang fourth leg champion human mipupo og 18 points kontra 16-pointers Tisocan ug Mamaril sa sunod duha ka pwesto.

Ang top three nga mananaug midawat og mobile load nga P300, P200 ug P100 uban ang t-shirts.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph