SA SURVEY nga gipagawas sa usa ka news agency, mas daghan kuno ang nasuko nga mga tawo kaysa mga nalipay sa ginapatuman nga lockdown sa gobyerno, subay sa mandu ni Presidente Rodrigo Duterte.
Sagad sa mga mipakita og pagsupak kadtong mga buot muadto sa ilang trabaho kay wala silay lain nga panginabuhian, kung dili maka-trabaho, walay ikapalit og pagkaon alang sa pamilya.
Sa wala pa ang problema sa coronavirus disease (Covid-19), lipay kaayo ang katawhan kay magbuntag sa inuman, sugalan, mga tawo walay reklamo walay kaunon.
Ang uban wala naga-hunahuna sa sakripisyo sa mga frontliners nga gusto nang mahuman ang pakigbugno sa virus bisan sa risgo nga ilang ginaatubang kay gimingaw na sa ilang pamilya, mao naghangyo sila nga intawon puyo mo sa inyong balay kay pasa-pasa, takud-takud baya kon naay matakbuyan.
Gitugot sa Ginoo nga ang ubang doktor ug mga frontliners hingkabsan sa kinabuhi samtang naa sa serbisyo kay natakdan. Hinuon, sama sa ginasulti ni President Digong "kon imo nang panahon mamatay gyod ka."
Managlahi nga sitwasyon ang nasinati sa nasud Israel ug nasud sa Vatican kalabot sa Covid-19. Ang Israel maoy nasud sa katawhan nga giangkon sa Dios nga pinili samtang ang Vatican nasud diin sentro sa relihiyusong katilingban kay maoy pinuy-anan sa Pope nga gihatagan sa titulo isip puli sa anak sa Dios dinhi sa yuta.
Walay kamatay sa nasud Israel samtang mi-surrender ang pangulo sa Vatican sa kadaghan sa natakbuyan ug nangamatay tungod sa virus sa ilang dapit diin wala siyay nakitang sulosyon unsaon pagsanta ang trahedya.
Ang kamatay sa nasud sa Vatican, dili ba tungod sa kasuko sa Ginoo sa katawhan nga naghatag sa ilang pagsalig sa Pope ug sa mga Santos kaysa mosalig Kaniya? Sa sitwasyon nga walay namatay sa Israel, dili ba tungod gipakita sa Dios nga gamhanan siya ug moluwas sa mga motuo Kaniya?
Ang pagpuyo sulod sa balay usa lang ka buhat sa paglikay bisan pa nagatuo ug naga-ampo ta. Dili unta ta maapil sa mga tawo'ng gahi'g ulo karong panahona.