DEAR Noy Kulas,
Daghan ang di motuo nga bisan unsa ka gwapa sa babaye, maglisod sa relationship. Nagtuo sila nga sayon ra sa beauty makuha ang attention sa lalake kon serious.
Tawga lang ko og Aida, 35 years old na ko but until now, wa ko makasuway og long term relationship. It doesn’t mean nga virgin pa ko.
Nagsugod ko og uyab-uyab sa 3rd year high school pa ko. Don’t surprised nga 30 na ang akong mga boyfriend and some of them, nakadug na nako sa katre. Pero ang pinakataas nako nga relationship eight months ra. Basta ganahan ko sa lalake, mo-yes dayon ko sa way daghang mga pangutana. Di na ko magsusi kon unsa ang ilang background basta kay ganahan ko.
Sa kadaghan na sa akong mga boyfriend, way ko makakita og lalake nga serious kay puro ra sila namiya nako. So, two years ago, wan a ko mosulod og relationship kay it’s like tilawan ra ko sa mga lalake. Ngano kaha no nga wa man ko makasugat og serious nga relationship? Naa kaha koy problema? Gwapa man ko ug maayo og batasan. Ngano kaha nga wa may mo last nako nga lalake?
AIDA
Aida,
Kanang gugma pareho ran a sa pagkab-ot og kalampusan, mas tam-is ang gihaguan og maayo. Sa ato pa, mas tam-is sa lalake ang imong yes kon ila kang gihaguan pagpasugot. Timaan sab na nga di ka easy girl o sayon nga pagkababaye. Sa mga lalake, mo-matter baya ni, hinuon di sa tanang mga higayon.
Ang nindot nga relationship magsugod sa friendship, kanang getting to know each other una, di kay mohagsa og diretso sa kama. Karon, bisan tuod kon daghan nang miagi nga mga lalake sa imong kinabuhi, ayaw pagtuo nga way moseryuso nimo. Naa man gani mi-serious sa duna nay mga trophy, unsa na kaha nga ikaw single, gwapa ug buotan,matod mo pa.
Higugmaa og una ang imong kaugalingon aron sa bisan unsa nga aspeto sa kinabuhi, higugmaon nga dunay respeto sa uban ang imong pagkatawo. Ayaw pagdali sa pagsulod og relasyon, apan ayaw usab kahadlok.
Noy Kulas