Editoryal: Papel sa DSWD

Editorial Cartoon by Ariel Itumay
Editorial Cartoon by Ariel Itumay

UNA sa tanan, atong pasalamatan ang Department of Social Welfare and Development (DSWD) sa ilang papel sa pagtutok sa pag-atiman sa mga kabus ug naapiking sektor nga mahaw-as gikan sa tunaan sa kasakit. Mao sab gyud kini ang ilang papel o mandato sa pagserbisyo sa publiko.

Daghang programa ang gidumala sa ahensiya. Dili lang kining pagdumala sa social amelioration fund (SAF) nga misibaw ning pagtumaw sa krisis sa Coronavirus 2019 (Covid-19).

Usa sa dakong gidumala sa DSWD karon mao ang Pantawid Pamilya Pilipino Program (4Ps), ang malungtarong plano sa pagwagtang o pagpaminos kaha kakabus pinaagi sa pagpuhonan sa edukasyon, maayong panglawas ug ubang progrma alang sa apiking pamilya.

Dako kini nga tahas sa DSWD ninii diin nakalatid ang katuigan nga tagal. Kon dili molampos, dugang kalisod sa nasod human ang programa gipundohan sa binilyon ka peso nga utang o US$300 million gikan sa Work Bank (WB) sa administrashyon ni kanhi Pres. Gloria Macapagal Arroyo.

Samtang, ang Pilipinas nahimotang sa mapa sa kalibotan nga kanunay bistahon og mga katalagman ug natural nga kalamidad. Sa bagyo lang, kapin sa 20 ang moigo sa nasod matag tuig. Linog pa ug ubang trahedya.

Ning krisis sa Covid-19 naobserbahan nato nga grabe ang pressure sa DSWD sa pagtunol sa mas dali ug tukma nga hinabang sama sa Social Amelioratiom Program (SAP) ug relief operations,

Kini ug ubang hitabo seguradong nakabalda sa ilang naandang trabaho o tahas sa Departamento. Sa kadako sa mga panghitabo, makaingon kita nga dili baha sila overworked?

Subay sa Covid-19 ug ubang krisis, panahon na seguro nga malili sa atong mga magbabalud ang pukos sa DSWD ug ang mga emerhensiya sa kinatibuk-an matutokan sa laing regular nga departamento sa kagamhanan.

Mapadali seguro ang serbisyo sa kagamhanan, sukwahi sa nasinati nga kontrobersiya sa krisis sa Covid-19.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph