NIAPILAR si Mayor Edgardo Labella ngadto sa Department of Social Welfare and Development nga dugangan ang mga benepisyaryo sa Social Amelioratiom Program (SAP) sa dakbayan sa Sugbo.
Si Labella nagkanayon nga 120,000 ra ka households ang benepisaryo sa dakbayan gikan sa unang 262,000 nga makadawat sa hinabang gikan sa national government.
Si Labella nisuwat sa DSWD.
Ang mayor wala pa makadawat og tubag gikan ni DSWD-7 Regional Director Rebecca Geamala aron unta mapun-an ang gidaghanon sa makadawat.
Sa inisyal nga nahibaw-an sa mayor nga gikunhoran ang gidaghanon sa benepisaaryo gumikan sa kakuwang sa pundo.
Di gikan nila
Giklaro ni DSWD 7 Assistant Regional Director for Operations Shalaine Marie Lucero nga dili gikan nila ang figure nga 262,000 nga beneficiary target sa SAP.
Matod ni Lucero nga wa sila maghisgot sa mao nga gidaghanon ingon man gipasabot pa niini sa konseho atol sa special session sa mga konsehal niadtong Lunes ang target number sa SAP beneficiaries sa Cebu City.
Dugang niya ni nga aduna’y 149,514 ka mga informal poor households ang ilang gihatag nga target beneficiary sa dakbayan sa Sugbo.
Sa maong gidaghanon, 10,032 niini ang Pantawid Pamilyang Pilipino Program (4Ps) beneficiaries diin una kining nahatagan og hinabang sa DSWD 7 pinaagi sa ilang cash cards.
Lakip sa 149,514 ang 16,508 ka mga beneficiaries sa Unconditional Cash Transfer (UCT) Program.
Ang nahabilin nga 122,974 mao na ang balanse nga kinahanglan nga pangitaan sa Cebu City Government og mga beneficiary aron mahatagan sa P6,000 nga hinabang matag household o pamilya.
Giklaro usab ni Lucero nga mamahimo nga mohatag og Social Amelioration Card ang Cebu City Government alang sa mga pamilya nga masuta nila nga angay nga hatagan.
Lakip sa proseso mao ang pagsumiter sa sobra sa target ngadto sa ulohang buhatan sa DSWD ingon man sa Office of the President aron ma-validate og angayan ba nga mahatagan ug kon aduna’y igong pundo nga matagaan niini.
Nakasabot usab si Lucero nga daghang eligible nga anaa sa kabus nga kahimtang ang dakbayan sa Sugbo, apan gatuo usab siya nga mayoriya sa kabus sa dakbayan ang makapahimulos niining SAP subay niining krisis sa Covid-19 pandemicTalisay City Government will not include the barangay personnel in their city on the national government’s Social Amelioration Program (SAP) that will be given through the Department of Social Welfare and Development.
Di ipaapil
Si Talisay City Mayor Gerald “Samsam” Gullas niingon nga gituki na niya uban sa mga barangay ang guidelines sa paglista sa mga benepisaryo sa SAP tali sa mga barangay kapitan.
Iyang gidid-an ang mga barangay worker sa pagpaapil sa listahan sa SAP kay aron di maakusahan ang mga barangay kapitan nga duna silay gipaboran.
“Ang ako lang nga dili apilon sa listing ang mga barangay personnel para makaingon ang mga tawo nga ang kapitan wala nagpili ug mga duol nga luwag niya,” siya nitataw.
Sa ingon niini nga ang listahan sa SAP alang lang sa labing kabos sa mga kabos.
Di tanang mga pamilya mahatagan busa kinahanglang pillion og maayo kinsa ang mas angay nga makadawat.
Ang iyang suweldo maoy iyang ihatag sa mga barangay worker.
“I mean to offer my salary from April to November nga pwede tungaon sa mga barangay personnel because dili sila priority sa SAP form,” siya nagkanayon. (JCT)