SUPERBALITA CEBU

1 conference sa PBA ‘20 posibli

GIPANGANDAMAN na karon og maayo sa PBA kon unsa man gani ang sangko-an niining pagpakigbatok sa makalilisaang nga coronavirus.

Si commissioner Willie Marcial, human sa ilang video conference uban sa board of governors niadtong Martes, Abril 7, 2020, mipahibawo nga ilang gitun-an ang tanang posibilidad sa pagpahigayon og balik sa mga duwa sa ika-45 nga season sa unang professional basketball league sa Asia.

“Pag nagdire-diretso, posible na one conference na lang,” matod pa ni Marcial.

Sukad sa pagkatukod sa PBA wala gyud mahitabo nga aduna sa usa ka season aduna lang usab kini usa ka conference.

Ang chairman nga si Ricky Vargas maoy mikonbinser sa PBA board sa maong conference human si President Duterte mipahibawo nga inaton ang pagpahamtang sa enhanced community quarantine (ECQ) ngadto sa Abril 30, imbis kutob ra unta sa Abril 12.

Sa pagkakaron, temporaryong nauyonan sa board of governors ang duha lang una ka conference apan magdepende lang usab kini sa dagan sa panahon. Wala usab nila isalikway ang usa ka conference karong tuiga.

“Two conferences na as of now. We’ll convene again before April 30 (end of the extended quarantine),” padayag ni Marcial human sa usa ka oras kapin nga video conference.

Kalabot sa D-League Aspirants' Cup, ingon ni Marcial nga magdepende ra usab kini sa mgaa school leagues kon mopadayon ba sila sa ilang tagsatagsa ka kompetisyon.

“Kung hindi na magtutuloy yung UAAP, NCAA, school leagues, baka pwede sila sa D-League. Pero depende pa rin ’yan sa schools,” dugang pasabot ni Marcial. Mahitungod sa 3x3 event, kini magpadayon.

“Pag nagsimula ang PBA, we’ll convene the teams and simula ang 3x3 after two or three weeks,” ni Marcial pa.

Subay niini, ang PBA board mopagawas og P1 million aron pagpalit og PPEs alang sa medical frontliners. (JBM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph