Mag-uuma gidunggab sa panday, kritikal

Mapa sa Dumanjug, Cebu. (Google Maps)
Mapa sa Dumanjug, Cebu. (Google Maps)

NAA sa kritikal nga kahimtag ang usa ka mag-uuma human dunggaba og 12 ka mga higayon sa iyang silingan nga panday sa Huwebes Santo sa buntag, Abril 9, 2020.

Si Police Major Ardioleto Cabagnot, hepe sa kapulisan sa lungsod sa Dumanjug, niila sa biktima nga si Fernando Santa Ana, 29, taga Barangay Cang-actol diin nahitabo ang krimen.

Ang suspek giilang si Wilmar Burca, 39, taga Quezon City, Metro Manila.

Sa imbestigasyon sa Dumanjug Police, si Santa Ana nag-andam og pamahaw alang sa iyang pamilya dihang niabot si Burca ug nidunggab diretso sa biktima.

Si Santa Ana naigo sa nagkadaiyang bahin sa iyang lawas, daling gidala sa Barili District Hospital.

Sa hot pursuit operation, ilang nadakpan si Burca ug nakuha usab ang kutsilyo nga iyang gigamit.

Wa pa mahibaw-i ang motibo sa pagpanunggab.

Kasong frustrated murder ang ipasaka batok kang Burca. (BBT)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph